سەرنووچە:

دوو سەرۆک وەزیر و پێنج وەزیر ل جەزائیرێ بۆ دادگەهێ هاتنە هنارتن

فۆتۆ: 
2019-05-26

141 جار خوێندراوەتەوە

دادوەرێ گشتى یێ جەزائیرێ ب تومەتا ب هەدەردانا سانانێ گشتى و کومکرن و ب دەستڤە ئینانا پارەى ب ئاوایەکێ نەیاسایی، دوو سەرۆک وەزیران و پێنج وەزیرێن حکومەتا بەرێ بۆ دادگەها بلند یا وى ولاتى هنارتنە.

د بەیاننامەیەکێ دا سەرۆکێ دەزگەهێ دادوەرێ گشتى یێ جەزائیرێ ئەڤرۆ ڕۆژا یەکشەمبی ٢٦ێ گۆلانا ٢٠١٩ێ، دوسیا ئەحمەد ئویەحیا و عەبدولمەلیک سەلال هەردوو سەرۆک وەزیرێن بەرێ و پێنج وەزیرێن حکومەتا بەرێ، پارێزگارێ جەزائیرا پایتەخت و پارێزگارێ باژارێ بەیز، بۆ دادگەها بلند شاندنە، ب تۆمەتا گەندەلیێ.

ئەحمەد ئویەحیا دوو حەفتیان بەرى نها لسەر تومەتەکا دى دگەل سێ کەسایەتیێن دى یێن دیار یێن دەستهەلاتا بەرێ یا جەزائیرێ ل هەمبەرى دادگەهێ ڕاگرتن، بۆ ڤەکولین کرن دەربارەى وان تومەتێن داینە پال وان.

د دەستپیکا ڤێ مەهێ دا دەزگەهێن ئەولەهیێ یێن جەزائیرێ  سەعید بوتەفلیقە برایێ بچوک یێ عەبدولعەزیز بۆ تەفلیقە سەرۆکێ دوورخستى یێ جەزائیرێ دەستەسەرکر.