سەرنووچە:

گرانترین دەرمان د جیهانێ دا هاتە دروستکرن

فۆتۆ: 
2019-05-26

9740 جار خوێندراوەتەوە

کۆمپانیایەکا سویسرى گرانترین دەرمان دروستکریە کو بهایێ وێ زێدەتر ژ دوو ملیۆن دۆلارن، تەنێ یەک جار دهێتە بکارئینان چارەسەریا نەخوشیەکا دەمى (ویراسى) یا زارۆکان دکەت.

ل گۆر نووچەکا ئاژانسا رۆیتەرز کۆمپانیا (نوڤارتس) یا سویسرى ، رازیبوونا نەتەوێن یەکگرتى بۆ دروستکرنا دەرمانەکێ ب دەست ڤە ئینا کو د دەما دەربازبووى دا بۆ نەخوشیەکا دەمى یا زارۆکان دروست کریە.

ئەڤ جورێ دەرمانى تەنێ یەک جار بۆ نەخوشیەکا بەربەلاڤ یا زارۆکان دهێتە بکار ئینان کو سەدەمە بۆ لاوازبوونا ماسولکەیان.

بەرپرسێن کۆمپانیایێ راگەهان، هەرچەندە بهایێ وێ یێ گرانە لێ ئەڤ جورێ دەرمانى تەنێ یەک جار دهێتە بکار ئینان و باشترە ژ دەرمانێن کو بۆ دەمەکا درێژ دهێنە بکار ئینان   و ب سەدان و هزاران دۆلار تێدچن.

کۆمپانیایێ بهایێ دەرمانێ (زولگینزما) کو بۆ نەخوەشیا ( لاوازبوونا ماسولکەیێن زارۆکان) دهێتە بکار ئینان، ٢،١ ملیۆن دۆلارن، ئەڤە د دەمەکێ دایە د مەها نیسانا دەربازبووى دا بەهایێ وێ زێدەتر بوو ژ پێنج ملیۆن دۆلاران، لێ ب سەدەما گرنیێ نە ئێخستیە د ناڤا بازارى دا، لدووڤ دا کۆمپانیا هاتە نەچارکرن کە بهایێ دەرمانى بۆ ٢،١ ملیۆن دۆلاران کێم بکەت.