سەرنووچە:

بەهادین نورى: ئەڤ کارێ ل هەمبەر شاسوار عەبدولواحید دهێتە کرن ژ یاسا و دیموکراسیەتێ دوورە

فۆتۆ: 
2019-05-26

157 جار خوێندراوەتەوە

بەهادین نورى سیاسەتمەدارێ کورد راگەهاند، دەربارێ کەیسا شاسوار عەبدولواحید و نەوەى نوێ ب تمامى د گەل بوچوونێن شێخ لەتیف مستەفایە و ئەڤ کارێ ل هەمبەر دهێتە کرن ژ یاسا و دیموکراسیێ دوورە.

د نڤیسینەکێ دا د پەرەیێ خوە د تورا جڤاکیا فیسبوکێ دا بەهادین نورى نڤیسیە، وەسا دبینیت کو دڤێت هەمى یاساناسەک دەنگێ خوە بلند بکەت و هەڤدەنگێ وێ داخوازیا حاکم شێخ لەتیف بیت و ل دژى وێ یەکێ بیت دەزگەهێ ئاسایشێ و دادوەرێ ئاسایشێ ب سەر کەیسەکا یاسایى سیاسى دا بسەپینن.

ئاماژە ب وێ یەکێ ژى کر، ئەڤ کار ژ یاسا و دیموکراسیێ دوورە و " د پلەیا یەکێ دا ئەوێن کو بەرپرسیارن، برایان بافل و قوبادن، کو لدووڤ بەهانەیەکێ دا دگەریان هەیا کو تولەیا خوە ل شاسوار ڤەکەن، ئەگەر تولڤەکرن نینە بۆچى سکالا ب پۆلیس و یاسا و حاکمێ بەدائە، بۆچى ب ئاسایش و حاکمێ ئاسایشێ دایە؟ بۆچى پارێزەر تومەتباران نەبینیت و کەسوکارێن وى ب ئاوایەکێ ئاسایى سەردانا وى نەکەن؟".

زەلال ژى کر، " بەلێ ئەز د گەل شاسوار دا نینم د وى ئاوایێ ئاخفتنێ دا کو کریە دەربارێ ( مفەوەز شەماڵ ) و کورێن تالەبانى، لێ دڤێ وێ یەکێ ببێژن کو تەنێ گوتنەک بوو کو گوتى، لێ ئەوا هەوە کرى ژ گوتنێ دەربازبوو ، بوویە ب تولڤەکرنەکا ئاشکرا".

د داویا نڤیسا خوە دا دایەزانین، " ئەگەر بافل و قوباد تالەبانى گوهێ خوە بدەن من دڤێ وێ یەکێ تێبگەهن کو د نها دا ئەم د سەدسالیا گلۆبال دانە، د رۆژانێن پێشکەتنا خەیالا زانست و تەکنیک و شارستانیێ دا دژین و چ رژێمەکا ئەنتى دیموکراسى و ئەنتىمرۆڤایەتى پاشەرۆژ نینە و نابیت پشتێ پێڤە گرێدەن".

ئەڤە د دەمەکێ دایە، ئەڤرۆ ١١ رۆژ ل سەر دەستەسەرکرنا شاسوار عەبدولواحید ژ ئالیێ هێزێن ئەولەهیا سلێمانیێ ڤە دەربازدبن، هەیا کو دچیت کارڤەدانێن دەستەسەرکرنا وى ل دەرڤە و ناڤخوەیا کوردستانێ بەردەوام دبیت،  دهێتە داخواز کرن دەستهەلاتدارێن یەکێتیێ زووترین دەم ناڤبرى ئازاد بکەن.

م.س