سەرنووچە:

سەرۆک وەزیرێ عێراقێ ڕاگەهاندنەک دەربارەى نەجمەدین کەریم بەلاڤکر

فۆتۆ: 
2019-05-26

2535 جار خوێندراوەتەوە

نڤیسینگەها عادل عەبدولمەهدى سەرۆک وەزیرێ عێراقێ راگەهاند، ئەو ب چ ئاوایەکێ دەستێوەردان نەکرنە د بابەتێن ئازادکرنا نەجمەدین کەریم پاریزگاری بەرێ یێ کەرکوکێ.

د بەیاننامەیەکێ دا نڤیسینگەها ڕاگەهاندنا  عادل عەبدولمەهدى سەرۆک وەزیرێ عێراقێ ئەڤرۆ ڕۆژا یەک شەمبی ٢٦ێ گۆلانا ٢٠١٩ێ دا  بەلاڤکر، هندەک ژ دەزگەهێن ڕاگەهاندنێ و کەنالێن تەلەفزونێ یێن بەرنیاسی و کەسایەتیێن سیاسی پرۆپاکندێن وێ چەندێ دکرن، کو سەرۆک وەزیرێ عێراقێ دەست د ئازادکرنا نەجەمەدین کەریم پارێزگارێ بەرێ یێ کەرکوکێ دا کریە، ل بەریرۆتا پایتەختێ لوبانێ دا کو پۆلیسێن ئینتەرپۆل دەستەسەرکربوو.

لگۆرى نووچەیێن گوتیە پشتى پەیوەندیا تێلەفونى یا مەسعود بارزانى دگەل عادل عەبدولمەهدى، سەرۆک وەزیرێ عێراقێ دەست تێدا هەبوویە.

د ڕاگەهاندنا نڤیسینگەها عەبدولمەهدى هاتیە،" ئەم ڕەتدکەین کو چ پەیوەندیەکا تیلەفونى د ناڤبەرا سەرۆک وەزیرى و مەسعود بارزانى دا هەبیت دەربارەى وى بابەتى، نە ب ڕاستەوخۆ و نە ژى ب ناڤبەینکار، ژبەر وێ چەندێ تەکەز دکەین سەرۆک وەزیر نەهاتیە ئاگەهدارکرن ژ دەستەسەسەرکرنا پارێزگاری کەرکوکێ و دیف دا ژ ئالیێ فوئاد حسێن وەزیرێ دارای گەهشتیێ د رۆژا ٢٢ێ ڤێ مەهێ دا، ئەو ژى دەما د بالافرێ دا بوون بۆ سەرەدانا کوێتی، کو وەزیری دارای یەک بوویە ژ ئەندامێن وى شاندى.

د پشکەکا دی یا بەریاننامەیێ دا هاتیە، وى دەمى سەرۆک وەزیری فەرمانکریە کو دوسیەکا فەرمى بۆ ئاگەهداربوون ژ بابەتى و وەرگرتنا ڕیکارێن پێدڤی، چەند ئەرکەکێ سیاسی یە وەها ژى ئەرکێ ڕاگەهاندنکارانە دیفچوونا بۆ بکەن و ڕاستى و هوورکاریێن بابەتى دیار بکەن بەرى حکمى ل سەر بدەن، ژبەر کو مەیدان پربوویە ژ نووچەیێن درۆستکرى و دزى و نەراست، کو دبیتە ئەگەرێ بن پێکاریێن مافێ دامەزراوەیێن دەولەتى و کەسایەتى و وەلاتیان.

د داویا بەیاننامەیێ دا هاتیە داخواز ژ سیاسیان و ڕاگەهاندکاران کریە کو ئەوێن ئەو جورە پرۆپاکندەیێن نەراست بەلاڤکرین، وەکى پێگیربوون ب ئەرک و کارێن بابەتیانە و مورال و نیشتیمانى، وێ نووچەیێ ڕەتبکەن و و بۆ ڕایا گشتى زەلال بکەن وەکى ئەوا هەی، هەر ژبەر وی چەندێ سەرۆکێ جڤاتا وەزیران ب مافێ خۆ دزانیت ڕێکارین یاسایا دادوەرى بگریتەبەر ئەو گەر وان درەوێن درۆستکرى بۆ ڕایا گشتى زەلال نەکەن.