سەرنووچە:

شرۆڤەکارەکێ نێزیک ژ حکومەتا ئیسرائیلێ: بالافرێن ئیسرائیلێ حەشدا شەعبی بۆمبەباران کرنە

فۆتۆ: 
2019-05-26

574 جار خوێندراوەتەوە

شرۆڤەکارەکێ نێزیک ژ حکومەتا ئیسرائیلێ ڕاگەهاند، بالافرێن ئیسرائیلێ سالا دەربازبوویی چەند پێگەهێن چەکدارێن حەشدا شەعبی ل عێراقێ بۆمبەباران کرنە.

ئایدن کوهین کو شرۆڤەکار و دیپلۆماسیەکێ نێزیکە ژ دەزگەهێ بڕیارا حکومەتا ئیسرائیلێ د تویتەکێ دا دیارکریە، هێزێن ئاسمانیێن ولاتێ وان چەند خالێن چەکدارێن حەشدا شەعبی ل پارێزگەها ئەنبارا سەر سنورێ عێراق و سوریایێ بۆمبەباران کرنە.

ئەڤە ژی دەمەکێ دایە، ئەمریکا و ئیسرائیل چەند جاران هۆشداری ب گروپێن حەشدا شەعبی ل سوریا و عێراقێ دابوو، کو ئەگەر ببنە مەترسی بۆ سەر هێزێن وان د دەڤەرێ دا، دێ ب ئارمانج گرن و بۆمبەباران کەن.

پێشتر و د دەما بۆمبەبارانێ دا حەشدا شەعبی چەند بەیاننامە دەرکرن و ئیسرائیل و ئەمریکا تۆهمەتبار کرن، کو چەند پێگەهێن وان ل سنورێ ئەنبارێ بۆمبەبارانکرنە و ب وێ سەدەمێ ژی هەژمارەک چەکدار هاتنە کوشتن و بریندارکرن.

س.م