سەرنووچە:

ژینگەها هەرێمێ: مە چ دەستهەلات نینە کو پارەیێ سندوقا ژینگەهێ خەرج بکەین

فۆتۆ: 
2019-05-25

110 جار خوێندراوەتەوە

سەرۆکێ دەستەیا ژینگەها هەرێمێ راگەهاند، ئەو وەکى دەستەیا ژینگەهێ چ دەستهەلات نینە کو پارەیێ ژینگەهێ خەرج بکەن، دەستهەلات  یا د دەستێ وەزارەتا دارایێ دا.

هەلۆ مستەفا د بەرنامەیا تایبەت یا ئێن ئار تى دا کو ئیشەڤ دەمژمێر نەهـ و پێنج خولەک دێ هێتە پێشکێش کرن دازانین، ل گۆر یاسایا ژمارە ٨ یا سالا ٢٠٠٨ێ  یا چاککرنا ژینگەها هەرێمێ ماددەیا ١٠ێ، سندۆقەک هەیە کو داهاتێ وێ سندۆقێ پ٣ێک دهێت ژ پارەیێ رسومات و باج و سەرپێچیێ و هەیا کو خێرخوازیی ژى کو ل گۆر یاسایێ دڤێ دەستهەلات هەبیت بۆ خەرجکرنا وى پارەى، ب سەدەما کریزا دارایێ ئەو دەستهەلات ژێ هاتیە ستەندن و د دەستێ وەزارەتا دارایێ دایە.

هەروەسا گوت، ٨٠% یا پارەیێ ژینگەها هەرێمێ بۆ خزینەیا دەولەتێ دچیت و ٢٠ %ێ ژى ب رێڤەبەریا هاتنوچوونا هەرێمێ دهێتە دان.

بەحسا وێ یەکێ ژى کر، پارزینگەهێن نەیاسایى یێن بوونە ئاریشەیەکا مەزن بۆ هەرێمێ و پیسبوونا ژینگەهێ کو مۆلەتا یاسایى نینە، چەند کەسان د ناڤا ڤان پارزینگەهان دا گیانێ خوە ژ دەست دانە ژ بەر کو چ رێنمایەکێن سلامەتى و ساخلەمیێ بکار نائینن.

حکومەتا هەرێمێ د سالێن دەرباز بووى دا ب حێجەتا قەیرانا دارایێ داهاتێ چەندین سندوقێن سێکتەرێن جوودا یێن هەرێمێ بکار ئیناینە.