سەرنووچە:

نەوەى نوێ: ڕۆژا سێشەمبی دژى دەستەسەرکرنا شاسوار عەبدولواحید و خوبەخشێن ڤەلڤینا نەوەى نوێ دێ خرڤەبن

ل هەمبەر ئوفیسا نەوەى نوێ ل سلێمانیێ
فۆتۆ: 
2019-05-25

362 جار خوێندراوەتەوە

ڤەلڤینا نەوەى نوێ ڕاگەهاند، ڕۆژا سێشەمبی ٢٨ی گۆلانا ٢٠١٩ێ و دەمژمێر ٣ێ پشتى نیڤرۆ ل هەمبەرى ئوفیسا نەوەى نوێ دژى دەستەسەرکرنا شاسوار عەبدولواحید و خوبەخشێن ڤەلڤینا نەوەى نوێ دێ خرڤەبن

ڤەلڤینا نەوەى نوێ د ڕاگەهاندنەکێ دا راگەهاند، "دەما ١٠ رۆژانە شاسوار عه‌بدولواحید سه‌رۆكێ ڤەلڤینا نه‌وه‌ی نوێ ژ ئالیێ ئاسایشا سلێمانیێ ڤە ب نەراوى د زیندانا تاکەکەسی دایە، زێدەباری ڤێ چەندێ کو دەما ٣٠ ڕۆژانە ١١خوبەخشێن نەوەى نوێ بێ پارێزەر د زیندانێن تاکەکەسی دانە".

دیار ژى کر،" ڤەلڤینا نه‌وه‌ی نوێ زێدەبارى کو سلامەتیا گیانێ شاسوار عه‌بدولواحید و خوبەخشێن دەستەسەرکرى دئێخنە ستویێ ئاسایش و بەرپرسێن گرۆپەکێ د ناڤ یەکێتیێ دا، ب هەمى ئالیەکێ ڕادگەهینین ئێدى ئەو هێرشێن بێ بنەما یێن یەکێتیێ بۆ سەرۆک و خوبەخشان، بکارئینانا دەزگەهێن ئەولەهیێ و یاسایان بۆ هەڤرکیێن سیاسی و ئینتقاما سیاسی ناهێتە قەبولکرن و هەمى ڕێکارێن مەدەنى دێ گرینەبەر و ڕێگریکرن و شەرمەزارکرنا وێ پلان و یاریا نەشرین یا د ناڤ زوونا سلێمانیێ دا ب مەرما بێدەنگکرنا دەنگێ نەرازیبوونی و لاوازبوونا نەوەى نوێ بوویە".

دازانین ژى،" د وی چارچوڤەى دا ژى رادگەهینین کو دەمژمێر ٣ێ پشتى نیڤرۆ یا ڕۆژا سێ شەمبی ٢٨ێ گۆلانا ٢٠١٩ێ ل هەمبەری ئوفیسا سەرەکى یا نەوەى نوێ ل سلێمانیێ خرڤەبوونەکا جەماوەرى یا بەرفرەهـ دێ ڕێکئێخین، و هەمى گڤاشتنان مەدەنى یین دى یێن هەمبەر ڤەلڤینی دا هاتنە کرن دێ ژ بووى ئازادکرنا سەرۆکێ ڤەلڤینا مە و هەمى خوبەخشان بیت

ڤەلڤینا نەوەى نوێ گوت ژى، "ئەنجامێن هەر بوویەرەکا نەخواستى ژى د ئیخینە ستویی هێزێن ئەولەهیێ کو چ بنەمایەک و رامانەک نەهێلایە بۆ ئازادیا کارێ سیاسی و ڕێزگرتن ژ مافێن مرۆڤی و دامەزراوەیێن سیاسی".

دیار ژى کر،"ڤەلڤینا نەوەى نوێ داخوازێ ژ هەمى ئازادیخوازان، یاسا ناس، مافپەروەران، داکۆکیکارێن ژ مافه‌كانی مرۆڤ، رێكخراوه‌ نیڤده‌وڵه‌تی و ناڤخۆی، پارتێن سیاسی یێن دەرڤەى دەسەڵاتێ، ڕۆژنامەفان  و كه‌سێن‌ دڵسۆز دكەت ل هەمبەرى وێ هێرشا ل سەر سەرۆکێ مەزنترین هێزا ئۆپۆزسیۆنێو خوبەخشێن وێ بێدەنگ نەبن و پشکداریێ د چالاکیێن جەماوەری دا بکەن و هەلویستێن خۆ نیشان بدەن بۆ بەرگریکرن بتنێ ژ سەرۆک و خوبەخشێن نەوەى نوێ نینە، بەلکى بەرگریکرنە ژ ئازادیا کارێ سیاسی و بەهیێن یاسایی و مرۆڤى و هەمى دەنگێ ئازا و وێرەک".