سەرنووچە:

فوئاد حسێن: مە چار موچە بۆ هەرێمێ هنارتنە لێ بتنی موچەیێ دوو مەهان دابەشکرنە

فوئاد حسێن وەزیرێ دارایی یێ عێراقێ
فۆتۆ: 
2019-05-25

2550 جار خوێندراوەتەوە

وەزیرێ دارایی یێ عێراقێ ڕاگەهاند، هەر چەندە چار موچە یێن بۆ هەرێمێ هاتنە هنارتن، لێ پارەیێن دوو مەهان هاتنە دابەشکرن و پێدفیە هەرێم وێ مژارێ چارەسەربکەت، دبێژیت ژى نەفت کریزەکا کیر و مەترسیدارە د ناڤبەرا هەرێم و بەغدایێ داو پێدڤیە بهێتە چارەسەرکرن.

فوئاد حسێن د هەڤدیتنەکێ دا دگەل کەنالێ شەرقیە دا راگەهاند، هەیا نها پارەیێ چار مەهێن موچەیێ فەرمانبەرێن هەرێمێ هنارتنە، لێ ژبەر کریزا دارایی یا هەرێمێ، دابەشکرنا موچەى گیرۆبوویە، پێدڤیە هەرێم وێ چارەسەربکەت.

دازانین ژى، بەغدایێ لدیف یاسایا بودجەیا عێراقێ، پارەیێ فەرمانبەرێن هەرێمێ هنارتنە و ڤان نێزیکان ژى موچەیێ مەها پێنج هنێرن، هەرێم دزانیت ئەگەر نەفتێ ڕادەست نەکەت، پشکا بۆدجەیێ هەرێمێ ب تەمامى ناهێتە هنارتن.

فوئاد حسێن بەحس ژى کر، مژارا نەفتێ کریزەکا کیر و مەترسیدارە د ناڤبەرا هەرێم و بەغدایێ دا و پێدڤیە گۆتۆبێژێن ڕژد بکەن، نها ڕەوشا سیاسی یا باش و گونجاییە بۆ چارەسەرکرنێ پشتى جەژنا رەمەزانێ شاندەکێ هەریما کوردستانێ دێ سەرەدانا بەغدایی کەت و بزاڤێن ڕێکەفتنەکێ دێ دەن ل سەر مژارا نەفتێ.

دەربارەى داهاتێ نەفتا هەرێمێ ژى گوت، پشکەک ژ داهاتێ نەفتا هەرێمێ ب قەرێن کومپانیێن نەفتێ و قەرێن نافخۆی  دهێتە دان.