سەرنووچە:

ئیران گەفا بن ئاڤکرنا گەشتیێن ئەمریکا یێن د کەنداڤی دا دکەت

فۆتۆ: 
2019-05-25

424 جار خوێندراوەتەوە

مورتەزا قوربانى شێورمەندێ سەرکرداتیا سەربازى یا سوپایێ ئیرانێ گەفێن بکارئینانا چەکێن نهێنى یێن ولاتێ خۆ دکەت بۆ بن ئاڤکرنا گەشتیێن بالافرهەلگر یێن ئەمریکایی د ئاڤین کەنداڤی دا.

ئاژانسا نووچەگەهانى یا میزان ژ زارێ قربانى بەلاڤکر، ئیران دکاریت ب ڕێکا بکارئینانا مەشەک و چەکێن ڤەشارتى، وان گەشتیێن شەری یێن ئەمریکایێ بن ئاڤ بکەت، کو د ڤان داویان دا بۆ ئاڤێن کەنداڤی هنارتین.

ئەو فەماندەیێ بلند یێ ئیرانێ ڕاگەهاند ژى، " ئەمریکا بریارا دایە دوو گەشتیێن شەرى بۆ وێ دەڤەرێ بهنێریت، لێ ئەگەر کێمترین گەمژاتى بکەت، ئەو دێ پەنایا خۆ بۆ دوو جورێن موشەک و چەکێن ڤەشارتى، دێ ب سەرباز و بالافرڤە بۆ بنێ دەریایی نقوم کەین.

دازانین ژى، ئەمریکا یا دوو دلە دەربارەى موشەکێن هیرکاریێن ئیرانێ، کو د شیانێن وێ دایە هێرشێ پێ بکەتە سەر گەشتیێن بالافرهەلگر، زەلال ژى کر، شەر وان ناترسینیت، ژبەر کو ئەو د ئامادەنە بۆ هەمى ڕەوشەکێ.

دەربارەى ڕاگرتنا نەفتا ئیرانێ قوربانى تەکەز کر، ئەگەر ڕێگریێ ژ هنارتنا نەفتا ئیرانی بهێتە گرتن، ئەو چ رامانەک نامینیت بۆ ئاخفتن ل سەر ئەولەهیا گەریا هورمزێ.

د داویا گوتنێن خۆ دا ڕاگەهاند، ئەمریکایێ ترس یا هەی ژ کاریگەریا هەرێماتیا ئیرانێ ل دەڤەرێ و هەبوونا هێزا جەماوەرى و بەرەڤانی کرنێ، کو دشێت ببیتە هێزەکا کو بەرسڤا ئیران و ئەمریکایێ بدەت، بزاڤین ئەمریکایێ بۆ درۆستکرنا ئالوزیان د ناڤ ئیرانی دا یا سەرکەفتى نابیت.