سەرنووچە:

جڤاتا ئاسایشێ بڕیارەکا نوو لسەر عێراقێ دەرکر

فۆتۆ: 
2019-05-25

874 جار خوێندراوەتەوە

نەتەوەیێن هەڤگرتی داخواز ژ حکومەتا عێراقێ کر پێداچوونێ ب دەستوری دا بکەت و دەڤەرێن ئاریشە لسەر چارەسەر بکەت.

جڤاتا ئاسایشا ناڤدەولەتی د جڤینا ٢١ێ ڤێ مەهێ دا بڕیارا هەژمارە ٢٤٧٠ دەربارەی عێراقێ دەرکر کو چەند خالان ژ خۆ دگریت، یەک ژ خالان درێژکرنا دەمێ شاندیێ نەتەوەیێن هەڤگرتیە ل عێراقێ بۆ سالەکا دی، کو دێ ڕۆژا ٣١ێ ڤێ مەهێ دەما وی ب داوی هێت.

لگۆڕی بڕیارێ، پێدڤیە جانین هێنس بیلاسخارت شاندیێ نەتەوەیێن هەڤگرتی ل عێراقێ ئامۆژگاریا بەغدایێ بکەت بۆ پشتەڤانیکرنا گۆتۆبێژێن سیاسیێن نیشتیمانی، هەڤکارێ وان بیت ل دانانا ڕێکارێن پێدڤی بۆ بڕێڤەچوونا هەلبژارتن و ڕاپرسیێ د ولاتی دا.

لگۆڕی بڕیارێ، پێدڤیە شاندیێ نەتەوەیێن هەڤگرتی هەڤکاریا عێراقێ بکەت ژ پێداچوونا دەستوور و جیبجیکرنا بەندێن وێ، دگەل بەغدایێ ڕێکاران دیاربکەن بۆ چارەسەرکرنا ئاستەنگیا دەڤەرێن ئاریشە لسەر.

جڤاتا ئاسایشێ سەربەخۆیی و یەکپارچەیا ئاخا عێراقێ تەکەزکر و سۆز دا پشتەڤانیێ ژ دابینکرنا ئاسایش و ئاشتیێ بکەت.

شاندیێ نەتەوەیێن هەڤگرتی (یونامی) شاندیەکێ سیاسیە و ل سالا ٢٠٠٣ێ لگۆڕی بڕیارا هەژمارە ١٥٠٠ یا جڤاتا ئاسایشێ هاتیە دامەزراندن.

س.م