سەرنووچە:

​ئەمریکا ئەنجامێ ڤەکۆلینێن هێرشا سەر بالیۆزخانەیا خۆ ل بەغدایێ ئاشکراکر

فۆتۆ: 
2019-05-25

734 جار خوێندراوەتەوە

بەرپرسەکێ ئەمریکا ئەنجامێ ڤەکۆلینێن کەفتنا گولە کاتیۆشایا ل نێزیک بالیۆزخانەیا ولاتێ خۆ ل دەڤەرا کەسک یا بەغدایێ ئاشکراکر.

مایکل گیلدای یەک ژ بەرپرسێن وەزارەتا بەرەڤانیا ئەمریکایێ ئەڤرۆ شەمبیێ (٢٥ێ گۆلانا ٢٠١٩ێ) ڕاگەهاند، "لگۆڕی ئەنجامێن ڤەکولینێن بۆمبەبارانکرنا بالیۆزخانەیا ئەمریکا ل بەغدایێ، دەرکەفتیە بریکارێن ئیرانێ مووشەک ئاراستەی نێزیک بالیۆزخانەیێ کریە.

د داخویانیەکێ دا وی بەرپرسێ بەرەڤانیا ئەمریکا بۆ هەژمارەکا ڕۆژنامەڤانان دایەزانین، "ڤەکۆلینان پشت ب زانیاریێن ئیستیخباراتی و بەلگەیێن کۆمکریێن ل جهێ بۆمبەبارانێ گرێدایە".

ڕۆژا ١٩ێ گۆلانا ٢٠١٩ێ چاڤکانیەکێ ئەولەهیێ یێ عێراقێ ڕاگەهاند، گولە کاتیۆشایەک ل نێزیک بالیۆزخانەیا ئەمریکا یا دەڤەرا کەسکا بەغدایێ دا کەفتیە و ب وێ سەدەمێ ژی کاروچالاکیێن بالیۆزخانەیێ بۆ چەند دەمژمێران هاتنە ڕاگرتن.

س.م