سەرنووچە:

ئەمریکایێ داخوازا پاراستنا بالیۆزخانەیا وەلاتێ خوە ژ عێراقێ کر

فۆتۆ: 
2019-05-20

189 جار خوێندراوەتەوە

ژێدەرەکێ سیاسى یێ عێراقێ ئاشکرا کر، ئەمریکایێ داخوازا پشتراستیێ ژ عێراقێ کریە، پشتى هاڤێتنا کاتیۆشەکێ بۆ نێزیکى بالیۆزخانەیا وەلاتێ وان ل بەغدایێ و مالپەرەکا ئەمریکایێ جورێ کاتیۆشێ ئاشکرا دکەت.

رۆژنامەیا " ئەلعەرەبی ئەلجەدید" ژ زارێ ژێدەرەکێ سیاسى یێ عێراقێ ئەڤرۆ دووشەمبیێ ٢٠ێ گۆلانا ٢٠١٩ێ ئاشکرا کر، د چەند دەمژمێرێن دەربازبووى دا بەرپرسێن عێراق و ئەمریکایێ پەیوەندى ب هەڤدوو کریە ب مەرەما کۆنترۆلکۆنا وێ ئاریشەیا ئەولەهیێ کو ب سەدەما کاتیۆشەکێ ل نێزیکى بالیۆزخانەیا ئەمریکایێ ل بەغدا کەفتە خوار.

رۆژنامەیێ دایەزانین، " بەرپرسێن عێراقێ پەیوەندى ب بالیۆزخانەیا ئەمریکایێ ل بەغدایێ کریە و د بزاڤا پشتراستکرنا بەرپرسێن ئەمریکایێ دانە ، ب تایبەت پشتى کەفتنا گۆلەیەکێ ل نێزیک دەڤەرا کەسک نێزیک بالیۆزخانەیا ئەمریکایێ".

هەروەسا ئاماژە کر، بالیۆزخانەیا ئەمریکایێ ل واشنتۆنێ ب هەمان ئاوایى د بزاڤا خورت دایە بۆ کێم کرنا باندۆرا وێ روودانێ، لێ ئەمریکیان داخوازا پشتراستیێ ل عێراقێ کریە بۆ پاراستنا بالیۆزخانە و ناڤەندا دیپلۆماتى و وەلاتیێن وان د ناڤا وى وەلاتى دا.

ژ ئالیەکێ دن ڤە ماپەرا "Washington Examiner" بەلاڤکریە، ئەو موشەکا نێزیک بالیۆزخانەیا وەلاتێ وان ل دەڤەرا کەسک یا بەغدایێ کەتیە، ل هەمان وان جهانە کو ئیران پرۆپاگەندەیێ بۆ دکەت و ژ ئالیێ گرۆپێن توندرەوێن ۆرژهەلاتا ناڤەراستێ دهێتە بکارئینان.

هەورەسا دادیارکرن، ل سالا ٢٠١٣ێ دەسهەلاتدارێن وان کاروانەکێ ژ جورێ وان کاتیۆشان د گەشتیەکا ئیرانێ دا دەست ب سەردا گرتبوو.

م.س