سەرنووچە:

کاتیۆشایەک ل پێشیا بالیۆزخانەیا ئەمریکا ل بەغدایێ کەفت

زەنگا هۆشیارکرنێ هاتە لێدان
فۆتۆ: دیجیتاڵ میدیایا ئێن ئاڕ تی
2019-05-19

875 جار خوێندراوەتەوە

چاڤکانیێن نووچەیان بەلاڤکرن ئەڤ شەڤە گولە کاتیۆشایەک ل نێزیک بالیۆزخانەیا ئەمریکا ل دەڤەرا کەسک یا بەغدایێ کەفت و هەیا نها چ زانیاریێن دی دەربارەی وێ یەکێ ناهێنە زانین.

 ئاژانسا ڕۆیتەرز ژ زارێ چاڤکانیێن ناڤخۆیا عێراقێ بەلاڤکر، دەنگێ تەقینەکێ ل دەڤەرا کەسک یا بەغدایێ هاتیە بهیستن، کو ب ناڤەندا بارەگەهێن سەرەکیێن حکومەت و بالیۆزخانەیێن ولاتێن بیانی دهێتە دانان.

دیارکریە ژی، پشتی تەقینێ زەنگا هۆشداریێ د ناڤ بالیۆزخانەیا ئەمریکا دا هاتیە لێدان ب مەرەما هۆشیارکرن خۆ پاراستنا کارمەندان.

ئەڤە ژی دەمەکێ دایە، چەند ڕۆژا بەریا نها بالیۆزخانەیا ئەمریکا و کونسولخانەیا وی ولاتی ل هەولێرێ، ب هێجەتا هەبوونا مەترسیا هێرش و ئالۆزیێن ئەولەهیێ بەشەک ژ کارمەندێن خۆ بۆ ولاتێ خۆ ڤەکێشان.

پشتڕا بالیۆزخانەیا ئەمریکا بەلاڤکر، بسەدەما مەترسیا هێرشان ب ڕێکا بالافرێن بێ بالافڕڤان کاروبارێن خۆ ڕاگرتنە و بەشەک ژ کارمەندێن خۆ ڤەکێشانە.

س.م