سەرنووچە:

ئەمریکا داخوازا لێبوورینێ ژ عێراقێ کر

فۆتۆ: 
2019-05-19

476 جار خوێندراوەتەوە

ئەمریکا داخوازا لێبوورینێ ژ عێراقێ کر، ژبەر وێ یەکی کو مەها دەربازبوویی  ل باژاڕێ کەرکوکێ بشاشی تڕۆمبێلەک کریە ئارمانج و پۆلیسەک د بوویەرێ دا هاتیە کوشتن.

لگۆڕی ڕاگەهاندنا فەرماندەیا پۆلیسێن فیدرال یا سەر ب وەزارەتا ناڤخۆیا عێراقێ، جۆی هود کاربرێکەرێ بالیۆزخانەیا ئەمریکا ل عێراقێ، سەرەدانا فەرماندەیا پۆلیسێن فیدرال ل بەغدایا پایتەخت کریە.

جۆی هود د سەرەدانا خۆدا داخوازا لێبوورینێ و پرسە و سەرخۆشی گەهاندیە فەرماندەیا پۆلیسێن فیدرال، ژبەر وێ هێرشا کو بالافرێن شەڕی یێن ئەمریکایێ ل ڕۆژا ٢٤ێ نیسانێ بشاشی کریە سەر تڕۆمبێلەکێ و ب وێ سەدەمێ ژی پۆلیسەکێ جانێ خۆ ژ دەستدا و دوویێن دی ژی برینداربوون.

ئەڤە ژی دەمەکێ دایە، پێشتر چەندین جاران ئەمریکا دانپێدان لسەر وێ یەکێ کریە کو بشاشی چەند دەڤەرێن عێراقێ بۆمبەباران کرنە، ب وێ سەدەمێ ژی وەلاتیێن سڤیل هاتنە کوشتن و بریندارکرن.

س.م