سەرنووچە:

وەزیرێ نەفتا عێراقێ: سەدەما ڤەکێشانا کارمەندێن ئیکسۆن مۆبیلێ سیاسییە نەک ئەولەهی

فۆتۆ: 
2019-05-19

184 جار خوێندراوەتەوە

وەزیرێ نەفتا عێراقێ ئاشکراکر، بڕیارا ڤەکێشانا کارمەندێن ئیکسۆن مۆبیلا ئەمریکی ژ زەڤیێن نەفتا قورنەیا بەسرایێ، سیاسیە نەک ئەولەهی.

 سامر غەزبان کو نها ب سەرەدانەکێ ل سعودیێ یە ڕاگەهاند، عێراق گەلەک دخوازیت ئارامی و هەڤسەنگی د بازارێن نەفتێ دا هەبیت و بزاڤێن خۆ ژی ژ پێخەمەت وێ یەکێ خستنەکار.

غەزبان بەحسا وێ یەکێ ژی کر، بڕیارا ڤەکێشانا کارمەندێن ئیکسۆن مۆبیلا ئەمریکی جهێ قەبوولکرنێ نینە و داخواز کر ژی بلەزترین دەم بۆ سەر زەڤیێن نەفتی یێن ڕۆژئاڤایێ قورنە ڤەگەڕن.

وەزیرێ نەفتێ تەکەزی لسەر وێ یەکێ ژی کر، بجیهێلانا زەڤیێن نەفتێ بێ سەدەم بوویە و بڕیارا کۆمپانیێ ژی سیاسی بوویە.

ڕۆژا ئەینیا دەربازبوویی کارمەندێن کۆمپانیا ئیکسۆن مۆبیل زەڤیێن نەفتێ یێن بەسرا بجیهێلان و بۆ بارەگەهێ خۆ یێ سەرەکی ل دوبەی ڤەگەڕیان.

س.م