سەرنووچە:

بەریتانیایێ فەرمان بۆ فەرمانبەر و وەلاتیێن خۆ ل عێراقێ دەرکر کو د حالەتێ ئامادەباشیێ دابن

فۆتۆ: 
2019-05-17

215 جار خوێندراوەتەوە

میدیایان بەلاڤکریە بسەدەما زێدەبوونا گەفێن ئیرانێ، حکومەتا بەریتانیایێ ئاستێ هشیاریان بۆ فەرمانبەرێن ولاتێ خۆ ل عێراقێ بلند کر.

کەنالێ سکای نیوز یێ بەریتانى بەلاڤکر، دەستهەلاتدارێن ولاتێ وى فەرمان دەرکریە بۆ فەرمانبەرێن بەریتانیا و مالباتێن وان ل عێراق و سعودیە و کوێت و قەتەر د حالەتێ ئامادەباشیێ دابن بۆ هەر پێشهاتەکا نەچاڤەرێکرى.

کەنالى ژ زارێ چەند ژێدەرێن حکومەتا بەریتانیایێ بەلاڤکر، "ئەگەرێ وێ چەندێ زێدەبوویە کو ئیران یان هەڤپەیمانێن هەرێمی، پێنگاڤان بهاڤێژن ب ئاراستێ دژاتیکرنا بەرژەوەندیێن بەریتانیا و ئەمریکا و هەڤپەیمانان د دەڤەرێ دا، ب ئاوایەکێ تەهران خۆ وەها نیشان ددەت یان ڕەتبکەت کو دەست د وان چالاکی و مەترسیان دا هەبیت.

وى ژێدەرێ حکومەتا بەریتانیایێ ئاشکرا ژى کر، چێدبیت ئیران پێنگاڤێن دژى ژێرخانا ئابوورى یا دەڤەری بگریتەبەر، ب تایبەتى دامەزراوەیێن نەفتێ، ب مەرەما درۆستکرنا ئالوزیێن زێدەتر و وەها نیشان بدەت چ پەیوەندى ب وان بوویەران ڤە نینە، هەیا خۆ دوور بێخیت ژ بەرسڤدانێن دژوار یێن ویلایەتێن هەڤگرتی یێن ئەمریکایێ.

د دوو ڕۆژێن بوورى دا ویلایەتێن هەڤگرتى یێن ئەمریکایێ و ئەلمانیا وەکى وان ب خۆ ڕاگەهاندى ب سەدەما زێدەبوونا مەترسیێن ئیرانێ، ئاستێ ئامادەباشیا هێزێن عێراق و سوریایێ بلندکریە و پشکەک ژ فەرمانبەرێن خۆ ل بەغدا و هەرێما کوردستانێ ڤەکێشانە.

م.ن