سەرنووچە:

بەرپرسێ کۆمیتەیا یەکێتیێ ل مەخمور: ٣٠٠ چەکدارێن داعشێ ل چیایێ قەرەچوغن و بیانى ژى د ناڤ دانە

فۆتۆ: 
2019-05-15

155 جار خوێندراوەتەوە

بەرپرسێ کۆمیتەیا یەکێتیێ ل مەخمورێ راگەهاند، ٣٠٠ چەکدارێن داعشێ ل چیایێ قەرەچوغن و بیانى ژى د ناڤ دانە.

رەشاد گەلالى بەرپرسێ کۆمیتەیا یەکێتیێ ل مەخمورێ راگەهاند، چیایێ قەرەچوغ یەکە ژ وان جهێن کو سالەک دبە داعش تێدا خوە رێک دئێخیت و و مەشق و راهێنانان تێدا دکەن و نێزیکى ٣٠٠ چەکدار د وێ دەڤەرێ دا هەنە.

ئەو بەرپرسێ یەکێتیێ راگەهاند، " چەکدارین چیایێ قەرەچوغ ب مەفرەزەیێن بچووک بۆ شەرگات و گەیارە و حەمام عەلى و دەڤەرێن دن هاتنوچوونێ دکەن، ب تایبەتى حەمام عەلى و شورە دچن، هەروەسا بۆ دەشتا نەینەوایێ ژى دچن".

هەروەسا گوت، " ئەو چەکدارێن داعش یێن عێراقى و بیانى ژى دناف دانە ، بو نمونە ئەندەنووسى  و چەکێن وان هەمە جورن کڵاشینکۆف و بی کەی سی و ئاڕ بی جی و قەناس و دبە ھاوەنا شێست  و ھەشت ملیم ژى ھەبیت".

ناڤبرى هەروەسا گوت،" پشتى داوى هاتنا پاشمایکین دەستهەلاتا داعشێ ل پارێزگەها نەینەوایی چیای قەرەچوغ ئارامترین جهـ بوویە بۆ خوە ریکخستنا چەکدارێن داعشێ د سالا دەرباز بووى دا ، هەر ژبەر وێ یەکێ وەسا دبینم هەبوون و مان و گەشەکرن و بەردەوامیا داعشێ ل وى سنورى ب سیاسەتا ناڤخوە و هەرێمایەتى و ناڤدەولەتى ڤە گرێدایە و وەلاتێن کەنداڤێ ژى رۆلەکا سەرەکە ل ڤى سنورى ل ڤێ پرسێ دبینن".

هەروەسا دیار کر، " ل سەر رۆبارێ دیجلەیێ چار دارستانێن چر هەنە، هەر چار وەکە سەربازگەهەکا داعشێ لێ هاتنە ، چ هێزەکا عێراقى نکارن ژ ناڤ ببەن، ژ بەر وێ یەکێ مانا داعش بۆ هەردەمەکی پەیوەندیێن هەرسێ پێکهاتیێن عێراقێ بەرەڤ پیش ناچن، د داهاتى دا ل هەر ئەگەرەکا نەخواستى وەلاتێن هەرێمى و هەڤپەیمانیا ناڤدەولەتى دکارن شلەشانیێ تووشى عێراقێ بکەن و د وى دەمى دا ئەو دەڤەر ب ساناهى  وەکە بەریا نها دکەڤنە د بن دەستێ داعشێ دا.

م.س