سەرنووچە:

رۆژنامەڤانەکێ یەکێتى: بارزانى ژ سوزا خوە پەشیمان بوویە

فۆتۆ: 
2019-05-15

592 جار خوێندراوەتەوە

رۆژنامەڤانەکێ یەکێتیێ دەربارەى پۆستا پارێزگارێ کەرکوکێ راگەهاند، بارزانى ژ سوزا خوە پەشیمان بوویە و ب ژڤان نینە ئەندامێن حزبا خوە بۆ جڤاتا پارێزگەها کەرکوکێ بۆ دەنگدانێ ب پارێزگارەکێ نوو یێ کورد بۆ وى باژارى بشینیت.

سەرتیب جەوهەر د نڤیسەکێ دا د تورا جڤاکیا فیسبووکێ دا نڤیسیە ، " ل گۆر زانیاریان بارزانى د دەما چەند رۆژێن دەربازبووى دا بەرسڤا نامەیەکا یەکێتی نیشتیمانى کوردستانێ ب نەرێنى دایە و ب زەلالى گوتیە پشتى پێکئینانا حکومەتێ وەڤدەکا هەڤبەش دێ بۆ بەغدایێ بشینە".

وى میدیاکارێ یەکێتیێ ئەو نامەیە ب وێ یەکێ لێکدایە کو بەرۆڤاژى وێ رێکەتنا زارەکیە کو د گەل جێگرێ یەکەمێ سکرتێرێ سکرتێرێ گشتیێ یەکێتیێ دا کریە.

هەروەسا دازانین، " پارتى ئامادەیە ئەندامێن خوە ل جڤاتا پارێزگەها موسلێ بۆ جڤاتێ بشینە، هەیا کو دەنگى ب پارێزگارەکێ نووێ یێ عەرەب د چارچوڤەیا سەفقەیەکا حزبى دا بدەن، لێ ئامادەنینە ئەندامێن حزبا خوە د جڤاتا پارێزگەها کەرکوکێ دا ڤەگەرینیت بۆ دەنگدانێ ب پارێزگارەکێ نوو یێ کورد".

هەرچەندە پارتى و یەکێتى رێکەتنا پێکئینانا کابینەیا نوو یا حکومەتێ ئیمزا کریە ، لێ ل سەر پۆستا پارێزگارێ کەرکوکێ هەیا نها چ بەرەڤ پێشچوونەک د نأاڤبەرات وان دوو حزبان دا نینە.

م.س