سەرنووچە:

دەما پارڤەکرنا مووچەیێ تەڤاهیا وەزارەتان هاتە ئاشکراکرن

مووچەیێ مەها دوو
فۆتۆ: 
2019-05-15

3219 جار خوێندراوەتەوە

ل گۆری خشتەیەکا وەزارەتا دارایی یا هەرێمێ هەتا رۆژا ٢٣ێ ڤێ مەهێ مووچەیێ مەها دوو یا تەڤاهیا وەزارەت و دەستەیان دێ هێتە پارڤەکرن.

ژێدەرەکی ژ وەزارەتا دارایی و ئابوریا هەرێمێ بۆ دیجیتال میدیایا ئێن ئاڕ تی راگەهاند، سوبەهی پێنجشەمبی ١٦ێ گولانێ مووچەیێ وەزارەتا ناڤخوە، جڤاتا ئاسایش، دەزگەها ئاسایش، زێرەڤانی، فەرمانگەها بەڕەڤانیا لهەوارچوونێ و رێڤەبەریا گشتیا رەگەزنامەیێ دێ هێنە پارڤەکرن.

هەروەسا دازانین، رۆژا یەکشەمبی ١٩ گولانێ مووچەیێ وەزارەتێن شارەداری، کەهرەب، ڤەگوهاستن و گەیاندن، پلاندانان، چاندنی، دیوانا چاڤدێریا دارایی، دەستەیا وەبەرئینانێ، دەستپاقژی، ژینگە، ناڤچەیێن دەرڤەیی هەرێمێ، دەزگەها مین و کۆمسیۆنا هەلبژارتنان دێ هێتە پارڤەکرن.

هەڤدەم وی ژێدەری دیار کر، رۆژا دووشەمبیێ مووچەیێ وەزارەتا بازرگانی، رەوشەنبیری و لاوان ، ئاڤەدانکرن ،سەرۆکاتیا هەرێم ، پارلەمان و جڤاتا وەزیران دێ هێتە پارڤەکرن.

رۆژا سێشەمبیێ مووچەیێ خانەنشینێن پێشمەرگە و چارشەمبیێ ژی مووچەیێ خانەنشێنیا شارستانی دێ هێتە پارڤەکرن.

ئەڤ مووچە، مووچەیێ مەها دوو یا ٢٠١٩ ێ یە و سێیەم مووچەیە کو بێ پاشەکەفت تێ پارڤەکرن.

رۆژا ٨ێ ئادارا ٢٠١٩ێ حکومەتا هەرێمێ داوی ب پاشەکەفتا مووچەی ئینا و مووچەیێ مەها ١٢ یا سالا دەرباسبوویی بێ پاشەکەفت پارڤە کر.

هـ.ج