سەرنووچە:

دادگەها ئیداری بڕیارا دوورخستنا پارێزگارێ بەرێ یێ نەینەوایێ پەسەند کر

فۆتۆ: 
2019-05-14

191 جار خوێندراوەتەوە

پشتی دەربازبوونا تنێ یەک ڕۆژ بسەر دەستبکاربوونا مەنسور مەرعیدی پارێزگارێ نوو یێ نەینەوایێ، ئەڤرۆ دادگەها ئیداری بڕیارا دوورخستنا نەوفەل عاکوب پارێزگارێ بەرێ یێ نەینەوایێ پەسەند کر.

لگۆڕی بەلگەنامەیەکێ کو ئەڤرۆ سێشەمبیێ (١٤ێ گۆلانا ٢٠١٩ێ) بدەست دیجیتال میدیایا ئێن ئاڕ تی کەفتیە، دادگەها ئیداریا عێراقێ ڕۆژا ١٢ێ گۆلانێ تانەیا نەوفەل عاکوب پارێزگارێ بەرێ یێ نەینەوا ڕەتکریە و بڕیارا جڤاتا نوینەرێن پارلەمانی یا دوورخستنا ناڤبری ژ پۆستێ وی پەسەند کریە.

ڕۆژا دووشەمبیێ (١٣ێ گۆلانا ٢٠١٩ێ) جڤاتا پارێزگەها نەینەوا ب پڕانیا دەنگان، مەنسور مەرعید ئەندامێ جڤاتا پاریزگەهێ وەک پارێزگارێ نوو دەستنیشانکر، هەروەسا سیروان محەمەد لسەر پشکا پارتیا دیموکراتا کوردستانێ ب جێگرێ وی دیارکر.

ڕۆژا ٢١ێ ئادارا دەربازبوویی بسەدەما نقوومبوونا بەلەمەکێ  کو ٢٠٠ کەس هەلگرتبوون ل دەڤەرا گەشتیاریا ڕووبارێ دیجلەیێ ل موسڵێ بنئاڤبوو و د ئەنجامێ دا زێدەتری ١٠٠ کەسان جانێ خۆ ژ دەستدان و نێزیکی ١٠٠ کەسێن دی ژی بێسەرۆشوون بوون کو پڕانیا وان ژن و زارۆک بوون، دیڤدا پارلەمانێ عێراقێ بڕیارا دوورخستنا نەوفەل عاکوب پاریزگارێ نەینەوایێ دا.

س.م