سەرنووچە:

سوبەهی عادل عەبدولمەهدی دێ سەرەدانا تورکیایێ کەت

لسەر داخوازیا ئەردۆغان
فۆتۆ: 
2019-05-14

219 جار خوێندراوەتەوە

لسەر داخوازیا سەرۆک کۆمارێ تورکیایێ، سوبەهی چارشەمبیێ عادل عەبدولمەهدی ب مەرەما گۆتۆبێژکرنا چەند تەوەران دێ سەرەدانا تورکیایێ کەت.

فەرمانگەها ڕاگەهاندنا سەرۆکاتیا کۆمارا تورکیایێ ڕاگەهاند، سوبەهی چارشەمبیێ (١٥ێ گۆلانا ٢٠١٩ێ) عادل عەبدولمەهدی لسەر داخوازیا ڕەجەب تەیب ئەردۆغان دێ سەرەدانا تورکیایێ کەت.

بڕیارە د سەرەدانێ دا هەردوو ئالی دێ گۆتۆبێژا چەندین تەوەرێن وەک چاوانیا پێشخستنا هەڤبەندیێن هەردوو ولاتان بکەن، ب تایبەت د بیاڤێ بازرگانی و وزەیێ، ڕووبڕووبوونا تیرۆر و دووبارە ئاڤاکرنا عێراقێ.

هەڤدەم ئەڤرۆ د کۆنفرانسا ڕۆژنامەڤانیا حەفتیانە یا خۆدا عادل عەبدولمەهدی دیارکر، د سەرەدانا تورکیایێ دا دێ بەحسا ڕاکێشانا هێلا ئاسنی یا ناڤبەرا هەردوو ئالیان و ڤەکرنا دەرازینکێن نوو یێن بازرگانی دگەل بەرپرسێن تورکیایێ گۆتۆبێژ کەن.

دهێتە چاڤەڕێکرن د جڤینێ دا هەردوو ئالی نەرینان لهەڤ بگۆهڕن دەربارەی تەوەرێن هەرێمی و دەڤەری، کو ژ نێزیکڤە پەیوەندی ب تورکیا و عێراقێ ڤە هەنە.

س.م