سەرنووچە:

هەڤپەیمانیا میحوەری یا وەتەنى سەرۆکێ پارلەمانێ عێراقێ ژ رێزێن خوە دوورخست

فۆتۆ: 
2019-05-13

268 جار خوێندراوەتەوە

هەڤپەیمانیا میحوەری یا وەتەنى محەمەد حەلبووسى سەرۆکێ پارلەمانێ عێراقێ ژ رێزێن خوە دوورخست و پشترە کوتلەیەکا نوو ب ناڤێ یەکێتیا هێزێن عێراقێ هاتە راگەهاندن.

د راگەهاندنەکێ دا ئەڤرۆ دووشەمبیێ ١٣ێ گۆلانا ٢٠١٩ێ هەڤپەیمانیا میحوەریا وەتەنى دوورخستنا حەلبووسى و هەژمارەیەکا ئەندامێن کوتلەیا وى راگەهاند، ب سەدەما کو گرێداى ئارمانج و چارچوڤەیا هەڤپەیمانیەتێ نەبوونە.

هەفدەم پارلەمانتارەکێ عێراقێ ل سەر پارێزگەها نەینەوایێ راگەهاند، کوتلەیەک ب ناڤێ یەکێتیا هێزێن عێراقى راگەهاندیە و هەر یەک ژ خەمیس خەنجەر و ئەحمەد جبورى و ئەبومازن هاتنە دوورخستن.

سەمیعە غەلاب ئەنداما پارلەمانێ عێراقێ راگەهاند، یەکێتیا وان د ناڤا هەڤپەیمانیا ئاڤادانکرنێ دمینن هەیا کو بۆچوونێن پارلەمانتارێن دن یێن ناڤا میحوەریا وەتەنى دەربارێ وی یەکێ زەلال دبیت.

هەروەسا راگەهاند، ئەوا ئەڤرۆ ل روونشتنا جڤاتا پارێزگەها نەینەوایێ دا رووداى ب هەلبژارتنا پارێزگارێ نوو و جێگرەکێ ناهێتە قەبیلکرن و د روونشتنا داهاتى یا پارلەمانێ عێراقێ دا هەلوێستا رژد دێ هەبیت.

ئاماژە ب وێ یەکێ ژى کر، هەڤپشکێن کو ل هەڤپەیمانیا میحوەر دانە موسل فرۆتیە.

هەروەسا راگەهاند، دوورخستنا محەمەد حەلبووسى د هەڤپەیمانیەتا میحوەر دا کارڤەدانێن دەم درەنگ هەبوویە، چونکە بەریا نها ئەو ژ هەڤپەیمانیێ دەرچوونە.

تەکەز ژى کر هەژمارا پارلەمانتارێن یەکێتیا هێزێن عێراقى ٣٢ پارلەمنتارن و هەیا نها د چارچوڤەیێ هەڤپەیمانیا ئاڤەدانکرنێ دا مانە.

م.س