سەرنووچە:

بالیۆزخانەیا ئەمریکا ل بەغدایێ هۆشداری ب وەلاتیێن خۆ ل عێراقێ دا

ژ زێدەبوونا ئالۆزیان
فۆتۆ: 
2019-05-12

315 جار خوێندراوەتەوە

ئەمریکا ب ڕێکا بالیۆزخانەیا ولاتێ خۆ ل بەغدایێ هۆشداری ب وەلاتیێن خۆ یێن ل عێراقێ دا، کو ئاگەهداری خۆ بن ژ ئەگەرا زێدەبوونا ئالۆزیان.

د بەیاننامەکێ دا بالیۆزخانەیا ئەمریکا ل بەغدایێ ئەڤرۆ یەکشەمبیێ (١٢ێ گۆلانا ٢٠١٩) بەلاڤکر، شیرەتا تەڤاهیا وەلاتیێن ئەمریکایێ دکەین لسەر زێدەبوونا ئالۆزیان د عێراقێ دا، ژبەر وێ ژی پێدڤیە دەربارەی وێ یەکێ ئاگەهدار بن".

داخواز ژ وەلاتیێن ولاتێ خۆ کر د ڤی دەمی دا سەرەدانا عێراقێ نەکەن، وەلاتیێن وان یێن ل عێراقێ ژی بۆ هەر زانیاریەکێ سەرەدانا مالپەرێ بالیۆزخانەیێ بەشێ خزمەتگوزاریێن تایبەت ب وەلاتیێن ئەمریکایێ بکەن.

ئەڤە ژی دەمەکێ دایە، ناڤ ب ناڤ بالیۆزخانەیا ئەمریکا ل بەغدایێ هۆشداریێ ددەنە وەلاتیێن خۆ ل عێراقێ کو ئاگەهداری خۆ بن ژ هەبوونا ئەگەرێ هێرشکرنا سەر بنگەهـ و بارەگەهێن وی ولاتی د عێراقێ دا.

هۆشداری و ئاگەهدارکرنێن ئەمریکایێ دەمەکێ دایە، ئالۆزیێن ناڤبەرا واشنتۆن و تەهرانێ ڕۆژ ب ڕۆژ زێدە دبن و هەژمارەک ژ بەرپرس و پارلەمانتارێن عێراقێ داخواز دکەن، بەغدا خۆ ژ ئالۆزیێن ناڤبەرا ئیران و ئەمریکا دووربگریت، عێراق خۆ نەکەتە بەشەک ژ وان هەڤڕکیان.

س.م