سەرنووچە:

عێراق.. هەیا نها نێزیکی ٨٠٠ ئەندامێن بیانیێن داعشێ هاتنە دادگەهـ کرن

ب بەرهەڤبوونا نوینەرێن ولاتان
فۆتۆ: 
2019-05-10

187 جار خوێندراوەتەوە

عێراقێ بیانیێن ناڤ داعشێ دادگەهـ کرنە و دەلیڤە ژی ب بالیۆزخانەیێن ولاتان ددەت بەرهەڤی ڕۆنشتنێن وان بن.

لگۆڕی ڕاپۆرتەکێ کو ناڤونیشانێ "دادگەهێ د سالەک و نیڤان دا زێدەتری ٨٠٠ تیرۆرستێن بیانی نەچاری ڕێکاران کریە" لسەرە بەحسا وێ یەکێ دکەت کو چەندین ئەندامێن داعشێ دادگەهـ کرنە.

ڕۆژنامەیا "القضا" کو ڕۆژنامەیەکا فەرمیە و ژ ئالیێ جڤاتا دادوەری یا عێراقێ ڤە دهێتە بڕێڤەبرن.

د ڕاپۆرتێ دا هاتیە، "دادگەهێ د سالەک و نیڤان دا ڕێکار دژی ٨١٠ تیرۆرستێن بیانی گرتیە بەر کو هەلگرێن ڕەگەزنامەیێن جودابوونە و دادوەران ڕاگەهاندنە تەڤاهیا وان تیرۆرستان تۆهمەتباری لسەر ئاخا عێراقێ کرنە یان پەیوەندی ب داعشێ ڤە هەبوویە، لگۆڕی یاسایا ڕووبوڕووبوونا تیرۆرێ یا عێراقی دێ هێنە سزادان".

لگۆڕی ئامارێن جڤاتا بلندا دادوەریا عێراقێ کو بدەست ڕۆژنامەیێ کەفتنە هەژمارا وان کەسێن د سالا ٢٠١٨ێ هەیا نیڤا یەکێ یا سالا ٢٠١٩ێ هاتنە دادگەهکرن و ڕێکارێن دادگەهێ لهەمبەر بۆ وان گرتنە بەر ٨١٠ کەس بوون، حوکم ل دژی ٥١٤ ژ وێ هەژمارێ دەرچوویە و د ناڤا وان دا نێر و مێ هەنە، هەروەسا ٢٠٢ دۆسیەیێن دی دبن ڤەکۆلینێ دانە، زێدەباری وێ یەکێ کو هەیا نها ٤٤ تۆهمەتبارێن د دادگەهکرنێ دانە، ١١ کەسان ژی چ تۆهمەتەک بسەردا دیارنەبوویە.

دادوەر ئەحمەد ئەمیری سەرۆکێ دادگەها تاوانێن تایبەت ب پرسێن تیرۆرێ دەربارەی ڤێ یەکێ ڕاگەهاندیە، "تەڤاهیا وان  کەسان دێ لگۆڕی یاسایێن عێراقێ هێنە سزادان".

ئەو یەک ژی ڕاگەهاند، "دادگەهکرنا تۆهمەتباران دێ ل بەغدا بیت ژبۆ کو بالیۆزخانەیێن وان ولاتان بکارن بەرهەڤی ڕۆنشتنێن وان بن".

س.م