سەرنووچە:

مایک پۆمپیۆ پەیوەندیەکا تەلەفۆنى بۆ عادل عەبدولمەهدی کر

فۆتۆ: 
2019-05-04

235 جار خوێندراوەتەوە

مایک پۆمپیۆ پەیوەندیەکا تێلەفۆنى بۆ عادل عەبدولمەهدی کر و تەکەزى ل سەر باشتر کرنا پەیوەندیێن ئابورى یێن هەردوو ئالیان هاتە کرن.

ل گۆرى راگەهاندنەکا سەرۆکایتیا جڤاتا وەزیرێن عێراقێ د وێ پەیوەندیا تێلەفونى دا  عادل عەبدولمەهدی تەکەز ژ وێ یەکێ کریە کو عێراق دخوازە مفاى ژ تەکنەلۆژیا و ئەزموونا ئەمریکایێ ببینە، ببێتە سەدەما درۆستبوونا دەرفەتێن کارى ل عێراقێ و پێشکەفتنا سێکتەرێن گرنگ.

هەر لگۆر راگەهاندنێ سەرۆک وەزیرێن عێراقێ بزاڤێن هەردوو ئالیان بلند دازانین بۆ گەهشتنا دەرئەنجامێن گۆتوبێژان ل سەر ئیمزاکرنا یەک پاکێجیێ د گەل کۆمپانیایا ئێکسۆن مۆبیلى ئەمریکایێ  کو کەرتا وزە یا عێراقێ پێشبکەڤە.

هەر د وێ پەیوەندیا تێلەفۆنى دا عادل عەبدولمەهدی گەشتا خوە بۆ ئەوروپا و کار کرن ل سەر چەند دۆسیەیا د دەما گەشتا خوە دا بۆ وەزیرێ دەرڤە یێ ئەمریکایێ زەلال کر.

هەڤدەم مایک پۆمپیۆ تەکەز ل سەر هاریکاریێن ولاتێ خۆ کر بۆ حکومەتا عێراقی و سیاسەتا دەرڤە دیار کر و راگەهاند، پێشوازیێ ژ ڕۆلێ عێراقێ و مەزنبوونا پێگەهێ وێ ل دەڤەرێ دکەن و خوشحالن ب هاریکاریێن کو د بیاڤێ ئابورى و سیاسی و ڕۆشنبیرى د ناڤ دا هەنە.