سەرنووچە:

بناڤکرنا وەلاتیێن عێراقێ وەکی پاشکەفتی، کارڤەدان لدووڤ خوە ئینان

فۆتۆ: 
2019-05-03

168 جار خوێندراوەتەوە

د سمینارەکێ دا ل لوبنانێ پارلەمانتارەکا عێراقێ وەلاتیێن خوە وەکی پاشکەفتی بناڤکرن و د ناڤا سمینارێ دا هەژمارەک ئامادەبوویان نەرازیبوون نیشان دا و پشترە وێ پارلەمانتارێ داخوازا لێبۆرینێ کر.

هەیفا کازم ئەمین پارلەمانتارا هەڤپەیمانیا سائیرون یا گرێدایی تەڤگەرا سەدر ل بەیروتا پایتەختا لوبنانێ د سمینارەکێ دا د ئاخافتنێن خوە دا هێرشی وەلاتیێن عێراقێ کر و گۆت:" هون ل لوبنانێ پێشکەفتینە و لوبنان ژی پێشکەتیە، لێ ئەم ل عێراقێ د ناڤ پاشکەتنێ دا دژین".

گۆتنێن پارلەمانتارا عێراقێ راستی کارڤەدانان هات و ژ بلی وێ یەکێ کو د ناڤ تۆڕێن جڤاکی دا هاتە رەخنەکرن، بەشداربوویێن سمینارێ ژی رەخنەیێن تووند ل وێ گرتن و دیارکرن، ب وان ئاخافتنان یاریێ ب وێنە و چارەنڤیسا وەلاتیێن عێراقێ ل پێشیا وەلاتیێن وەلاتەکی دن دکەت.

پارلەمانتارا تەڤگەرا سەدر د ناڤ ئاخافنتنێن خوە دا راگەهاند، خەلکێ بەسرەیێ ل گۆری خەلکێ بەغدا و هەرێما کوردستانێ پاشکەفتینە.

ئەڤرۆ ٣ێ گولانێ ژی هەیفا ئەمین داخوازا لێبۆرینێ ل خەلکێ باشورێ عێراقێ کر و د تۆمارەکا دەنگی دا دازانین، ئارمانجا وێ ئەڤ بوو کو باشورێ عێراقێ ژ هێلا ئاڤەدانی، ئابوری و مافێ مرۆڤان ڤە پاشکەفتیە.

هـ.ج