سەرنووچە:

عێراقێ رێژەیا شاندن و داهاتا نەفتا سێ مەهێن دەرباسبووى ئاشکرا کر

د چارێکا یەکەما ئیسال دا
فۆتۆ: 
2019-05-03

182 جار خوێندراوەتەوە

ل گۆرى داتا و زانیاریێن بیاڤێ وزەیا عێراقێ  د چارێکا یەکەما ئیسال دا، کۆمپانیایا ب بازارکرنا نەفتا عێراقێ (سۆمۆ) زێدەتر ژ ٣١٩ ملیۆن بەرمیل بۆ دەرڤە شاندنە، ناڤەندا نرخێ هەر بەرمیلەکێ ژى ب ٦٠ دۆلار و ٤٣ سەنتان هاتیە تەخمینکرن.

ل گۆرى زانیاریێن کۆمپانیایا سۆمۆ د چارێکا یەکەما ئیسال دا، ب کۆژمێ ١٩ ملیار دۆلار داهات بۆ خزینەیا حکومەتێ هاتیە دابینکرن.

سۆمۆ د مەها چلەیا ئیسال دا عێراقێ ب رێژەیا ١١٣ ملیۆن و ١١١ هزار و ٤٢٩ بەرمیل نەفتا خاڤ بۆ بازارا وزەیا جیهانێ شاندنە، کو ب وێ یەکێ ٦ ملیار و ٣٦٦ ملیۆن و ٦٨٤ دۆلار دەستکەفتنە و نرخێ هەر بەرمیلەکا نەفتێ ب ٥٦ دۆلار و ٢٨ سەنتان بوویە.

د مەها سباتێ دا ب رێژەیا ١٠١ ملیۆن و ٣٨٧ هزار و ٥٥٩ بەرمیل هاتنە شاندن، کو ب وێ یەکێ ب کۆژمێ ٦ ملیار و ١٧٨ ملیۆن و ٨١٨ دۆلار داهات بوونە.

د وێ مەهێ دا نرخێ نەفتێ د بازارێن وزەیێ دا بلندبوون تۆمار کریە و نرخی هەر بەرمیلەکا نەفتێ گەهشتیە ٦٠ دۆلار و ٩٤ سەنتان.

دەبارەى مەها ئادارێ  وەزارەتا نەفتاغ عێراقێ ب رێیا کۆمپانیایا سۆمۆ ب رێژەیا ١٠٤ ملیۆن و ٦٩٦ هزار و ٨٧٢ بەرمیلێن نەفتێ هاتنە شاندن و داهات بۆ خزینەیا دەولەتێ هاتیە زێدەکرن، د دەمەکێ دا نرخێ نەفتێ د وێ مەهێ دا ب ٦٤ دۆلار و ٨ سەنتان هاتیە فرۆتن.

ل گۆرى ئەنجاما داتایێن وان سێ مەهێن یەکەمێن ئیسال، عێراقێ ٣١٩ ملیۆن بەرمیل نەفت یێن شاندین و ب وێ یەکێ ١٩ ملیار دۆلار داهات ب دەست خستنە.

عێراق یەکە ژ وان وەلاتێن سەرەکە یێن ناڤا رێکخراوا ئۆپیک دا کو ب دەولەتا بەرهەمئینانا نەفتێ دهێتە نیاسین، بودجەیێ گشتیێ وەلاتى ژى ب پلەیا یەکەم پشت ب داهاتێ نەفتێ و شاندنا نەفتێ دهێتە گرێدان، ب ئاوایەکێ بلندبوون و نزمبوونا نرخێ نەفتێ باندۆرێ ل سەر بۆدجە و داهاتێ عێراقێ دکەت.

م.س