سەرنووچە:

ئەمریکایێ پێنج ملیۆن دۆلار بۆ بالافرخانەیێن عێراقێ تەرخان کرنە

فۆتۆ: 
2019-05-02

217 جار خوێندراوەتەوە

بالیۆزخانەیا ئەمریکایێ ل عێراقێ پرۆژەیێ ئاسایشا بالافرخانەیێن عێراقێ ب کۆژمێ بودجەیێ پێنج ملیۆن دۆلارانه راگەهان.

بالیۆزخانەیێ د راگەهاندنەکێ دا دازانین، دەستپێشخەریا دارایا ئەمریکایێ ژ راهێنان و دابینکرنا کەرەستەیان پێکدهێت ب هەماهەنگیا هەڤبەشا د گەل شارەزایێن دەستهەلاتا بالافراڤانیا شارستانیا عێراقێ دا.

هەڤدەم دەربارەى وى پرۆژەى جۆى هود کاربرێکەرێ بالیۆزخانەیا ئەمریکایێ زەلال کر، ئەڤ پرۆگرامێ هاریکاریێ تەنێ سلامەتیا رێڤینگان بۆ عێراقێ ب هێز ناکەت، بەلکى پشتەڤانیا شیانێن عێراقێ ژى دکەت بۆ راکێشانا وەبەرهێنەرێن بیانى و بەرفرەهکرنا پەیوەندیێن بازرگانى یێن جیهانى  و هاندنا گەشەکرنا ئابووریێ ژى ددەت.

بالۆێزخانەیا ئەمریکایێ ئاشکرا ژى کر، بەرپرسێن دەستهەلاتا بالافرخانەیا شارستانیا عێراقى و بالافرخانەیا ناڤدەولەتى یا بەغدایێ، بەسرە و هەولێرێ بۆ گۆتوبێژا دەربارەى چاوانیا جێبەجێکرنا پرۆگرامى و بەردەوام بوون ل سەر بهێزکرنا ئاسایشێ ل بالافرخانەیا عێراقێ بۆ گەهشتن ب ستاندارێن ناڤدەولەتى جڤیان.

تەکەز ژ وێ یەکێ ژى کر، راگەهاندنا پرۆگرامى ئاماژەیەکە بۆ بەرفرەهبوونا رۆلا عێراقێ د کۆمەلگەها بالافرڤانیا جیهانى دا و پابەندبوون ئەمریکایێ بۆ هاریکاریکرنا ئاڤاکرنا ئابوورەکێ گەشەکرى و هەمەجور.

م.س