سەرنووچە:

سەرۆکێ پارلەمانێ عێراقێ ٢٥ ملیۆن دینار وەک خەلات ب پارلەمانتارێن ژن دان

محەمەد حەلبوسی سەرۆکێ پارلەمانێ عێراقێ
فۆتۆ: ئەرشیف
2019-04-30

403 جار خوێندراوەتەوە

محەمەد حەلبوسی سەرۆکێ پارلەمانێ عێراقێ کۆژمێ ٢٥ ملیۆن دیناران وەک خەلات ب پارلەمانتارێن ژن یێن عێراقێ دا.

چاڤکانیەکێ نێزیک ژ محەمەد حەلبوسی بۆ ئێن ئاڕ تی عەرەبی ڕاگەهاند، ئەڤرۆ ٣٠ێ نیسانێ، ب هەلکەفتا جەژنا ژنان سەرۆکێ پارلەمانی کۆژمێ ٢٥ ملیۆن دیناران ب هەر یەک ژ پارلەمانتارێن ژن یێن پارلەمانی دانە، کو تەڤاهیا وی کۆژمی زێدەتری دوو ملیار دیناران بوویە.

ئەو یەک ژی دیارکریە، تەڤاهیا وان ژنێن پارلەمانتار پارە وەرگرتیە کو هەژمارا وان ٨٣ کەسن.

وی چاڤکانی دازانین ژی، گیرۆبوونا پارڤەکرنا وێ دیاریا گرانبها کو کۆژمێ دوو ملیار دۆلاران بۆ تەرخانکریە، هەڤدەمە دگەل ڤەلڤین و ئاریشەیێن ڕێکەفتنان دەربارەی سەرۆکاتیا لیژنەیێن ناڤ پارلەمانی.

چاڤکانی بەحسا وێ یەكی ژی کریە، ب دوور نابینیت ئەو دیاردەیا حەلبوسی بزاڤەک بیت بۆ نخافتنا وان بنپێکاریێن کو کرنە، وەک یەکئالی نەبوونا بابەتێ هەلبژارتنا سەرۆک و جێگر و سەرۆکێ بڕیاردەرێ لیژنەیێن پارلەمانی، یان ژی بهێتە بکارئینان و پالنەرەک بیت بۆ دیارکرنا کەسایەتیێ دیارکری بۆ سەرۆکێ پارلەمانی.

ئەڤە ژی دەمەکێ دایە، هەشت مەهـ دەربازبوونە بسەر لدارخستنا یەکەم ڕۆنشتنا پارلەمانێ عێراقێ، لێ هەیا نها ئاریشەیا سەرۆک و جێگرێ سەرۆک لیژنەیان نەهاتیە یەکئالی کرن.

س.م