سەرنووچە:

عێراق و ئەلمانیا لسەر پرۆژەیەکێ ١٤ ملیار دۆلاری ڕێکەفتن

فۆتۆ: 
2019-04-30

426 جار خوێندراوەتەوە

حکومەتا عێراق و ئەلمانیایێ ڕێکەفتن ب بڕا ١٤ ملیار دۆلاران پرۆژەیەکێ مەزن د بیاڤێ کارەبێ دا ل عێراقێ جیبجی بکەن.

ئەڤرۆ سێشەمبیێ (٣٠ێ نیسانا ٢٠١٩ێ) عادل عەبدولمەهدی، سەرۆک وەزیرێ عێراقێ ب سەرۆکاتیا شاندەکا بلندا ولاتێ خۆ گەهشتە ئەلمانیایێ و دگەل ئەنگێلا مێرکل شێورمەندا وی ولاتی جڤیا.

پشتڕا عادل عەبدولمەهدی د کۆنفرانسەکا ڕۆژنامەڤانی دا دازانین، د چار بیاڤان دا ڕێکەفتن دگەل کۆمپانیا سیمنسی یا ئەلمانی ئیمزاکرنە بۆ جیبجیکرنا چەندین پڕۆژەیێن مەزن یێن کارەبێ د عێراقێ دا.

ئەو یەک ژی دیارکریە، دگەل شێورمەندا ئەلمانیایێ چەندین تەوەرێن دی یێن تایبەت ب دەڤەرێ و عێراقێ بەحسکرنە.

د سەرەدانا ئەلمانیایێ دا هەر یەک ژ وەزیرێن دەرڤە، بازرگانی، کارەب، ئاڤەدانکرن، باژێرڤانی، شێورمەندێ ئاسایشا نیشتیمانی و چەند بەرپرسێن دی یێن پلە بلند هەڤالتیا سەرۆک وەزیرێ عێراقێ کرنە.

س.م