سەرنووچە:

عێراق: نابە ئاخا مە ل دژى تورکیایێ بێ بکار ئانین

دێ سەردانا هەرێمێ ژى کەت
فۆتۆ: 
2019-04-28

190 جار خوێندراوەتەوە

وەزیرێ دەرڤەیێ عێراقێ راگەهاند، نابە ئاخا مە ل دژى تورکیایێ بێ بکار ئانین.

محەمەد عەلى حەکیم وەزیرێ دەرڤەیێ عێراقێ پشتى جڤینێ د گەل وەزیرێ دەڤەیێ تورکیایێ د کۆنگرەیەکا رۆژنامەڤانیێ دا راگەهاند، " نابە ئاخا مە ل دژى تورکیایێ بێ بکار ئانین و و دڤێ سنورێن مە ئارام بن  و ب هەمى ئاوایەکێ ئێریش کرنا سەر تورکیایێ ل عێراقێ رەت دکەین".

هەروەسا گوت، گفتۆگویا بازرگانیا ناڤبەرا  تورکیا و عێراقێ هاتیە کرن و بزاڤ دهێنە کرن هێسانکارى بۆ کۆمپانیێن تورکیایێ بهێتە کرن و بکارن کەلۆپەلان ل ئاخا عێراقێ بەرەڤ وەلاتێن دن یێن کەنداڤێ بشینن.

ناڤبرى راگەهاند، مژارا ئاڤێ یەکە ژ وان مژارێن هەستیار و د گەل وەزیرێ دەڤە یێ تورکیایێ گۆتوبێژ ل دۆر هاتیە کرن.

هەڤدەم  مەولود چاوشئۆغڵو راگەهاند، پشتى سەردانا بەسرەیێ دێ سەردانا هەرێمێ بکەت.

وەزیرێ دەرڤە یێ تورکیایێ گوت ژى، داویا ئیسال ئەردۆغان سەرۆک کۆمارێ تورکیایێ سەردانا عێراقێ دکە و چەند مژاران گۆتوبێژ دکە.

هەروەسا دازانین، مولەتا ڤەکرنا دوو کونسولخانەیان ا باژارێ کەرکوک و نەجەفێ وەرگرتنە.

ئەو یەک ژى گوت، د نها دا عێراق وەکى پار سال هشکە سالى نینە و ئاڤ زێدەیە ئاریشەیا لەهیان هەیە و ئەڤ یەک دسەلمینە کو پێتڤیە عێراق و تورکیا هەڤکارى و هەماهەنگیا تمام بۆ کۆنترۆلکرنا ئاڤێ د ناڤبەرا وان دا بکەن.

ئەڤرۆ یەک شەمبیێ مەولود چاوشئۆغڵو وەزیرێ دەرڤە یێ تورکیایێ بۆ گۆتوبێژکرنا چەند مژارێن جوودا گەهشتە باژارێ بەغدایێ و بریارە چەند رۆژان بمینە.

م.س