سەرنووچە:

وەزیرێ دەرڤەیێ تورکیایێ سەردانا بەغدایێ کر

بریارە سەردانا هەولیرێ ژی بکە
سەردانا چاووشئۆغلۆ بۆ عێراقێ
فۆتۆ: 
2019-04-28

279 جار خوێندراوەتەوە

وەزیرێ دەرڤەیێ تورکیایێ سەردانا بەغدایێ کر و بریارە سەردانا هەرێما کوردستان و باژارێ بەسرەیێ ژی بکە.

میدیایێن عێراقێ دیارکرن، مەولود چاووشئؤغلۆ وەزیرێ دەرڤەیی تورکیایێ ب سەرۆکاتیا شاندەکێ سەردانا بەغدایێ کر.

چاووشئۆغلۆ ل سەر حەسابا خوە یا تویتەرێ دازانین، ئارمانجا سەردانا وی خورتکرنا پەیوەندیێن هەردوو ئالیانە.

میدیایێن عێراقێ دیارکرن، چاووشئؤغلۆ ژ ئالیێ محەمەد عەلی حەکیم وەزیرێ دەرڤەیێ عێراقێ ڤە هاتیە پێشوازیکرن.

هەروەسا بریارە وەزیرێ دەرڤەیێ تورکیایێ سەردانا هەرێما کوردستانێ ژی بکە و د گەل بەرپرسێن هەرێمێ بەحسا پەیوەندیێن ناڤبەرا هەردوو ئالیان و زێدەکرنا هەماهەنگیان بکە.

بریارە مەولود چاووشئۆغلۆ د سەردانا خوە دا بۆ باژارێ بەسرەیێ بەشداریێ د ڤەکرنا کونسولخانەیا وەلاتێ خوە ل وی باژاری بکە.

بەرێ ژی هاتبوو دیارکرن، تورکیایێ پیشنیارا قەرزەکێ پێنج ملیار دۆلاری بۆ ئاڤەدانکرنێ ب عێراقێ دابوو.

هـ.ج