سەرنووچە:

عەبدولمەهدى ناڤێ بەربژێرێن دوو وەزارەتێن کابینەیا خۆ بۆ پەرلەمانى هنارتنە

عەبدولمەهدى ناڤێ بەربژێرێن دوو وەزارەتێن کابینەیا خۆ بۆ پەرلەمانى هنارتنە
فۆتۆ: 
2019-04-27

262 جار خوێندراوەتەوە

بریاردەرێ پەرلەمانێ عێراقێ ڕاگەهاند، عادل عەبدولمەهدى ناڤێن بەربژێرێن وەزارەتا داد و پەروەردەیێ بۆ پەرلەمانی هنارتنە.

خەدیجە عەلى بۆ ڕۆژنامەیا سەباحی ڕاگەهاند، ب پشتگریدان ب ڕێکەتنا ئالیێن سیاسی، سەرۆک وەزیرێن عێراقێ پێشنیارکرنە کو دەنگى ب هەردوو بەربژێران بدەن.

گوت ژى، هەر یەک ژ سەفانە حەمدانى بۆ وەزارەتا پەروەردە و دادوەر ئەرکان قادر بۆ وەزارەتا داد بەربژێرکرنە، جێدبیت د ڤێ حەفتیێ دا پەرلەمان دەنگى پێ بدەت.

ب گوتنا خەدیجە عەلى، پشتى تەمامبوونا دەنگدانێ ل سەر ناڤێن وان دوو بەربژێران، بەربژێرێن وەزارەتا بەرەڤانی و ناڤخۆ ژى ژ ئالیێ سەرۆک وەزیرى دێ هێنە ئاراستەکرن.

زێدەترى پێنج مەهانە حکومەتا نوو یا عێراقێ ب سەرۆکایەتیا عادل عەبدولمەهدى نەهاتیە پێکئینان، لێ هەیا نها وەزیرێن بەرەڤانى و داد و پەروەردەیێ ب ڤالا مانە ئەگەرێن وان ژى بۆ هەڤرکیێن سیاسی ڤەدگەرن.

م.ن