سەرنووچە:

هەڤپەیمانیا فەتح بەرسڤا بالیۆزخانەیا ئەمریکا ل بەغدایێ دا

پشتی داخویانیا ل سەر سەروەتا خامنەئی
فۆتۆ: 
2019-04-27

195 جار خوێندراوەتەوە

هەڤپەیمانیا فەتح راگەهاند، داخویانیا بالیۆزخانەیا ئەمریکایێ ل بەغدایێ، دەربارێ سەروەتا عەلی خامنەئی رێبەرێ ئیرانێ، بنپێکرنا لێڤەگەرا خەلکێ عێراقێ یە.

د بەیاننامەیێ دا هەڤپەیمانیا فەتح دازانین، هەڤپەیمانیا فەتح ب توندی لدژی بکارئینانا نونەرایەتی و بالیۆزخانەیێن وەلاتان ل عێراقێ ل هەمبەر وەلاتێن دنە و نابە سڤکایەتی ب لێڤەگەرێن ئۆلی بێن کرن.

هەروەسا دیار کر، کارێ بالیۆزخانەیا ئەمریکایێ، لدژی بنگەهێن دیپلۆماسیێ نە و بنپێکرنەکا مەزنە و گەلێ عێراقێ رێ ب وێ یەکێ نادە.

هەڤپەیمانیا فەتح داخواز کر (جۆی هود) ژ بالیۆزێ ئەمریکا ل بەغدایێ بێ دوورخستن و نەرازیبوونێ نیشانی وان داخویانیان بدن.

بالیۆزخانەیا ئەمریکا ل عێراقێ ب رێکا مالپەرا فەرمیا خوە دازانین، سەروەتا عەلی خامنەئی رێبەرێ ئیرانێ ٢٠٠ ملیار دۆلارن، لێ گەلێ ئیرانێ د ناڤا هەژاریەکا مەزن دا ژیانا خوە دەرباس دکە.

هـ.ج