سەرنووچە:

شاسوار عەبدولواحید: ئەڤ ئاریشەیا د نها دا بۆ نەوەى نوێ دروست بوویە پشتراستبن دەربازدکەین

فۆتۆ: 
2019-04-25

463 جار خوێندراوەتەوە

شاسوار عەبدولواحید سەرۆکێ ڤەلڤینا نەوى نوێ راگەهاند، ئەڤ ئاریشەیا د نها دا بۆ نەوەى نوێ دروست بوویە، پشتراستبن دەربازدکەین.

شاسوار عەبدولواحید د دەما بەشداریکرنا بەرنامەیا تاوتوێ یا ئێن ئار تى دا راگەهاند، " مە چ ئالوزى د گەل وان پارلەمانتاران نەبوونە و پرانیا دەمى پێکڤە بووینە، لێ نزانم وان بەرێزان بۆ چ وەها کر و هەیا نها نە ب فەرمى و نە ب نەفەرمى نەرازیبوون ل جەم من دەرنەبریە".

دەربارێ وێ یەکێ کو ئەو ب یەک ئالیانە بریارێ ددەت، شاسوار عەبدولواحید گوت، " بۆ بەریا نها ب بریارا من تەڤاهیا وان بەرێزان کرنە  پارلەمانتار و سەرۆک پۆست  و نەگوتن ئەو بریار یەک ئالیانەیە و د نها دا وەها دبێژن".

ل هەمبەرى ئەوا دهێتە گوتن کو نەوەى نوێ بۆ بنەمالیێ هاتیە برین، شاسوار عەبدولواحید گوت، ئەو یەک راست نینە و نەوەى نوێ نەبوویە بنەمالەیى، یەک ئەندامێ جڤاتا بلند یا نەوەى نوێ ل بنەمالەیا من نینە و ب هەلبژارتنی هاتنە دیارکرن.

دەربارەى سروە عەبدولواحید، سەرۆکێ ڤەلڤینا نەوەى نوێ راگەهاند، سروە تەنێ بزاڤ کرنە ئەو شیان و پەیوەندیێن کو هەنە  ل بەغدایێ بخە خزمەتا پارلەمانتارێن نەوى نوێ و ئەڤ یەک کارەکێ باشە نەکو خرابە.

دەربارەى وان تومەتێن پارلەمانتار شادى نەوزاد ئاراستە کرنە، شاسوار عەبدولواحید، "وێ یەکێ چ بنەمایەک نینە و هەر کەسێ من ل نێزیک بنیاسیت، وێ تێبگەهە ئەو رەوشتێ من نینە، ئەز دێ پشتەڤانیێ لێ کەم هەیا کو راستى دەردکەڤە" "دبێژە ژى" ملێ من ژ مى سڤکترە و بۆ هەر تشتەکێ دچمە هەمبەرى دادگەهێ".

هەروەسا گوت، " ئەڤ یەک پلانەکا نەجوان و کرێتە ژ ئالیێ هەردوو پارتێن دەستهەلاتدار کو یەکێتى ل سلێمانیێ و پارتى ل هەولێرێ دانایە و ژ تولەیێن وان گوتنێن من بەریا نها کرین ل هەمبەر وان دوو بنەمالەیا و پشتراستیێ د دەم وەلاتیێن کوردستانێ ڤێ رەوشێ دەربازدکەین".

دیار ژى کر، " ب دەست بەردانا چەند کەسەکان ڤەلڤینا نەوى نوێ داوى ناهێت، پەشیمان ژى نینم کو هندە کەس من ئانینە ناڤا نەوەى نوێ کو ئەزموون نەبوویە".

دەربارەى وان نەرازیبوونێن بەشەک ژ پارلەمانتار و هەڤالێن من هەنە، شاسوار عەبدولواحید دیار کر، " چاڤەرێکرى نەبوو هەڤالێن من کو من دنیاسن و شەڤ و رۆژ پێکڤە بووین، خیانەتێ ل من بکەن، چاوا دبە د راگەهاندنێ گولێبم کو نەرازینە ژ من ، ئەڤ گوهەرتنە بۆچى؟".

زەلال ژى کر، ئەوێ کو دلسوزێ نەوەى نوێ بیت، دڤێ تێبینیان بخنە بەرچاڤ بۆ راستڤەکرنێ ، ئەوێن کو دخوازن ل نەوەى نوێ بدەن، جڤاتا بلند و لیژنەیا ئینزیباتى وان دوور دخن".

دەربارەى ڤەنەگەریانێ د نها دا شاسوار عەبدولواحید راگەهند، رەوشا ویا ساخلەمیێ باش نینە، هاتیە ئەوروپایێ بۆ پشکنینان و وەرگرتنا چارەسەریێ ئەگەر زووتر ڤەدگەریا

م.س

‌بەپەلە