سەرنووچە:

سەفین دزەیى: رێکەتنا ناڤبەرا هەولێر و بەغدایێ چ مەترسى ل سەر نینە

فۆتۆ: 
2019-04-25

176 جار خوێندراوەتەوە

پەیڤدارێ حکومەتا هەرێمێ راگەهاند، ئەو رێکەتنا نها ناڤبەرا بەغدا و هەولێرێ هەیە، مەترسى ل سەر نینە، گوت ژى هەیا نها هەمى ئاریشە د گەل بەغدایێ دا نەهاتنە چارەسەر کرن.

سەفین دزەیى، بۆ ئاژانسا ئەنادۆلێ راگەهاند، پەیوەندیا د ناڤبەرا حکومەتا هەرێمێ و حکومەتا عێراقێ دا یا ئاساییە و چەندین لیژنە هاتنە پێکئانین بۆ چارەسەر کرنا وان ئاریشا و ب تایبەتى مژارا یەکخستنا گومرک و کارێ هەڤپار ل رووبرووبوونا مەترسیا داعشێ.

ناڤبى تەکەز کر، پەیوەندیێن هەرێم و بەغدایێ بەرەڤ باشیێ چوونە لێ مەبەستا وێ یەکێ نینە ئاریشە چارەسەر بوونە.

دەربارەى مژارا بودجەیى دازانین، مەسەلا بودجەى یەکە ژ وان بابەتێن ب ئاوایێ دەمکى ژى بیت، د نها دا بۆ سالا ٢٠١٩ێ راشتنەکا گۆنجاى بۆ هاتیە دیتن.

هەروەسا گوت، ب سەدەما وێ برا پارەیێ ل بەغدایێ دهێت و فرۆتنا نەفتێ و داهاتێ ناڤخوە موچە ب بێ پاشکەفت دهێت پارڤەکرن.

هەروەسا ئاشکرا کر، دڤێ بزاڤان بکەین وان ئالوزیان چارەسەربکەین، پەیوەندى د ناڤبەرا وەزارەتا دارایا بەغدا و هەولێرێ هەیە و بەردەوامە.

د دەما دەربازبووى دا بەشەک ژ پارلەمانتارێن عێراقێ نەرازیبوون دەربریە ژ هنارتنا پارەى بۆ هەرێمێ بەریا کو هەرێم نەفتێ رادەستى بەغدایێ بکەت و دەنگۆیا برینا پارەیێ بەغدایێ ژى بەلاڤ بوو.

م.س