سەرنووچە:

جڤاتا بلند یا نەوەى نوێ: چەندین خوەبەخشێن نەوەى نوێ هاتنە دەستەسەرکرن

فۆتۆ: 
2019-04-25

201 جار خوێندراوەتەوە

جڤاتا بلند یا نەوەى نوێ راگەهاند، هێزێن ئەولەهیێ ل سلێمانیێ ب بێ فەرمانا دادوەرى و چ حێجەتەکێ، چەندین خوەبەخشێن نەوەى نوێ  دەستەسەرکرنە.

جڤاتا بلند یا نەوەى نوێ د کۆنفرانسەکا رۆژنامەڤانیێ دا راگەهاند، ئیشەڤ ل چەند کۆلانێن باژارێ سلێمانیێ هێزێن ئەولەهیێ ئانینە سەر چەند جهەکان و چەندین خوەبەخشێن نەوەى نوێ دەستەسەرکرنە.

د دەما دەربازبووى دا دەزگەهێن ئەولەهیا سلێمانیێ چەند جارێن دن خوەبەخشێن نەوى نوێ دەستەسەرکرنە و وەکە کو بەرپرسێن نەوەى نوێ ئاماژە پێ دکەن، ئەو کار ب بێ فەرمانا دادوەرى هاتنە کرن.

دوهى شادى نەوزاد پارلەمانتارێن فراکسیۆنا نەوى نوێ د کۆنفرانسەکا رۆژنامەڤانیێ دا راگەهاند، " کەسێن کو نەرازینە، گەفا بەلاڤکرنا پارچە ڤیدیۆیێن وان یێن سەختەکرى لێ دهێتە کرن"، راگەهاند ژى، "سکالایێ دێ ل سەر شاسوار عەبدولواحید سەرۆکێ ڤەلڤینا نەوەى نوێ تۆمار دکەین".

م.س