سەرنووچە:

جڤاتا بلند یا نەوەى نوێ: رێیا یاسایى ل هەمبەر وان پارلەمانتاران دگرینە بەر کو تومەت بۆ مە دروست کرینە

فۆتۆ: 
2019-04-25

412 جار خوێندراوەتەوە

جڤاتا بلند یا نەوەى نوێ راگەهاند، رێیا یاسایى ل هەمبەر وان پارلەمانتاران دگرینە بەر کو تومەت بۆ مە دروست کرینە.

جڤاتا بلند یا نەوەى نوێ د کۆنفرانسەکا رۆژنامەڤانیێ دا راگەهاند، ل چ کەسەکێ نابوورین کو تومەت بۆ ڤەلڤینێ و سەروکێ وێ دروست کریە، رێیا یاسایى ل هەمبەرى وان پارلەمنتاران دگرینە بەر کو تومەت بۆ مە دروست کرنە.

دەربارەى گوتنێن بەریا نها یێن شادى نەوزاد پارلەمانتارا وێ جڤاتێ راگەهاند، وها دبینین ئەو خانم د بن گڤاشان دایە و ئەو تومەتێن بۆ ڤەلڤین ێو سەرۆکێ وێ دروست کرین، دوورە ژ راستیێ و وان بهایێن کو نەوەى نوێ ل سەر هاتیە دامەزراندن.

جڤاتا بلند یا نەوەى نوێ: ئەو هێرشێن نها پلانەکا دارشتى یا مەرەمدارە ژ ئالیێ پارتى و یەکێتیێ ئەو کار ژ وێ دەستهەلاتێ دهێتە چاڤەرێکرن کو پارلەمانتاران دترسینن.

جڤاتا بلند یا نەوەى نوێ راگەهاند، لیژنەیا ئینزیباتى ل سەر سەرکەوت شەمسەدین و رابۆن مەعروف هاتیە درستکرن و دڤێ د دەمەکا کێم دا بهێنە هەمبەر لیژنەیێ و بەرسڤا پرسیاران بدەن و ب بەرۆڤاژى ئەندامتیا وان دهێتە سرکرن و د ڤەلڤینێ دا دهێنە دوورخستن.

هەروەسا دازانین، هێزێن ئەولەهیا سلێمانیێ ب بێ فەرمانا دادوەرى و چ حێجەتەکێ چەندین خوەبەخشێن نەوى نوێ دەستەسەرکرنە.

ڕۆژا ٢١ێ نیسانا ٢٠١٩ێ فراکسیونا نەوەى نوێ ل پەرلەمانێ عێراقێ د بەیاننامەیەکێ دا نەرازیبوونا خۆ ل هەمبەر سەرکردایەتیا ڤەلڤینێ نیشان دا.

هەڤدەم دوهى شادى نەوزاد پارلەمانتارێن فراکسیۆنا نەوى نوێ د کۆنفرانسەکا رۆژنامەڤانیێ دا راگەهاند، " کەسێن کو نەرازینە، گەفا بەلاڤکرنا پارچە ڤیدیۆیێن وان یێن سەختەکرى لێ دهێتە کرن"، راگەهاند ژى، "سکالایێ دێ ل سەر شاسوار عەبدولواحید سەرۆکێ ڤەلڤینا نەوەى نوێ تۆمار دکەین".

م.س