سەرنووچە:

دادگەها ئیدارى سەعید کاکەیى بۆ کۆمسیۆنا هەلبژارتنان ڤەگەراند

فۆتۆ: 
2019-04-24

230 جار خوێندراوەتەوە

سەعید کاکەیى ئەندامێ جڤاتا کۆمسیاران د کۆمسیۆنا بلند یا هەلبژارتنێن عێراقێ دا، شیا وێ داخوازیێ ببەت کو ل دادگەها ئیدارى کو ل دژى سەرۆکێ جڤاتا کۆمسیاران تۆمار کربوو.

وەکى د دەقەیا بریارێ دا هاتیە، دوزگەری سەعید حەمید ئەمین کاکەیى دشێت بچیتە سەر کارێ خوە و وەکى ئەندامێ جڤاتا کۆمسیاران د کۆمسیۆنا بلند یا سەربەخۆیا هەلبژارتنان دەست ب دەواما خو بکەت.

ل گورى بریارێ دڤێ کەسێ  سکالا ل سەر هاتیە کرن " سەرۆکێ کۆمسیاران" سەربارى کارێن خوە د کۆمسیۆنا هەلبژارتنان، تەڤایا خەرجیێن داخوازیێ ژ ستویێ خوە ڤە بگریت.

د بریارێ دا دادگەهێ ئاماژە ب وێ یەکێ کریە ب بێ هەبوونا چ بنەمایەکێ یاسایى باوەرى ژ سکالاکەرى هاتیە وەرگرتن، کو ل گورى یاسایێ نابە ژ ٦٠ رۆژان زێدەتر بە.

د داویا بریارا دادگەهێ دا ئاماژە ب وێ یەکێ هاتیە کرن، بریار قابلى پێداچوونێ یە هەیا کو د دەما خوە یا یاسایى دا پلەیا داویێ وەرگریت.

سەعید کاکەیى وەکى نونەرێ بزاڤا گۆڕانێ ل جڤاتا کۆمسیاران یا کۆمسیۆنا هەلبژارتنان د کۆنگرەیەکا رۆژنامەڤانیێ دا راگەهاندبوو، د کارێن کۆمسیۆنا هەلبژارتنان دا دەستێڤەدان دهێتە کرن، ب تایبەت کو دەمەک ل سەر هەلبژارتنان دەربازببوو، ئەنجامێ داویێ نەهاتبوونە راگەهاندن ، ژ ئالیێ دادگەهێ ژى ڤە ئەنجامێن هەلبژارتنێ نەهاتبوو پەسەند کرن.

م.س