سەرنووچە:

چارەنڤیسا ٦٠ ملیۆن دۆلارێن پارێزگەها نەینەوایێ هاتە ئاشکرا کرن

فۆتۆ: 
2019-04-23

203 جار خوێندراوەتەوە

دەستەیا دەستپاقژیا عێراقێ چارەنڤیسا ٦٠ ملیۆن دۆلارێن بودجەیا پارێزگەها نەینەوایێ ئاشکرا کر.

د داخویانیەکێ دا دەستەیا دەستپاقژیا عێراقێ دیار کر، نێزیکی ٦٠ ملیۆن دۆلارێن پارێزگەها نەینەوایێ ژ ئالیێ کاربدەست و فەرمانبەرێن نێزیک ژ نەوفەل عاکوب پارێزگارێ بەرێ یێ نەینەوایێ هاتیە برن.

دەستەیێ دازانین، بەریا کو نەوفەل عاکوب ژ پۆستا پارێزگارێ نەینەوایێ بێ دوورخستن، ٦٠ ملیۆن دۆلار هاتبوون برن و فەرمانبەرێن دیوانا پارێزگەهێ ژی، بەرپرسێ دزین و ب هەدەردانا سەروەتێ گشتی نە.

ل گۆری راگەهاندنێ، پارەیێ کو ب ئارمانجا پێشخستنا پارێزگەها نەینەوایێ هاتبوو تەرخانکرن، د دیوانا پارێزگەهێ و هەژمارەک بانکان دا ب ناڤێ هندەک کەسان هاتبوو هەلگرتن.

٢٤ێ ئادارا ئیساڵ، پارلەمانا عێراقێ ژ بەر بوویەرا رووبارێ دیجلەیێ باوەری ژ نەوفەل عاکوب پارێزگارێ نەینەوا و جێگرێ وی وەرگرت و ژ بەر خەمساری و ب هەدەردانا سامانێ گشتی هاتە تۆمەتبارکرن. پشترە ژی هاتە گۆتن نەوفەل عاکوب بەر ب هەرێما کوردستانێ ڤە رەڤیایە.

هـ.ج