سەرنووچە:

سەرۆکێ زانینگەها سۆران بەرسڤا راپۆرتا ئێن ئار تى دا

فۆتۆ: 
2019-04-20

227 جار خوێندراوەتەوە

موسلیح مستەفا کاک ئەحمەد سەرۆکێ زانینگەها سۆران بەرسڤا راپۆرتا ئێن ئار تى دا و راگەهاند، " راپۆرتا ئێن ئار تى تەڤاهیا راست و دروستیا وەرێگێران و خواندنا مە بەرۆڤاژى کریە".

ئیشەڤ ئێن ئار تى راپۆرتەک ل سەر سەرۆکێ زانینگەها سۆران بەلاڤکر کو پشت گرێدان ب چەند بەلگەیەکان دایە زانین، ناڤبرى دەما خواندنکارێ زانینگەها سلێمانیێ بوویە، ل بەشا خواندنا ئیسلامى، ب سەدەما قۆپیکرنی د قوناغا یەکەما زانینگەهێ دا هاتیە فەسلکرن و د قوناغا دوویێ دا ب سەداما نەڤەگەریانێ بۆ دەوامێ د خواندنا وی سالێ دا کەفتیە و پشترە ناڤی وى هاتیە ژێبرن.

سەرۆکێ زانینگەها سۆران د راگەهاندنەکێ دا راگەهاند، " زەلالکرنا زێدەترا بەلگەیا حاشاهەلنەگرا ئالیێ پەیوەندیدار پێ رادبە و ئەم ژى بۆ سنوردانانێ بۆ ڤان جورە کاران هانایێ بۆ چەکێ یاسا و رێسایان دبەین".

هەروەسا بەحسا وێ یەکێ کر، " سەرکەفتنێن مەزن یێن مە چ ل سەر ئاستا کەسى و چ ل سەر ئاستا دامەزراوەیێ ژى کو جهێ شانازیا هەڤالێن مە و نەحەزێن مە ل پشت ڤان جورە بزاڤانە، راستى و درستیا کاروانێ ئەکادیمیا مە و تەڤاهیا بەلگەیان بەردەستە و هەرکەسێ ب ویژدان دکاریت ببینیت".

د مەها سباتا ئیسال دا ئێن ئار تى راپۆرتەک بەلاڤکر ل سەر سەختەبوونا باوەرنامەیا سەرۆکێ زانینگەها هەلەبجەیێ، لێ سەرۆکێ وێ زانینگەهێ رەت کر باوەرنامەیا وى سەختە بیت.

م.س