سەرنووچە:

سەرکەوت ئەحمەد: تومەتبار هەبوویە کو کەسەک بریندار کریە و د شەڤەکێ دا دادگەهێ ئازادکریە

فۆتۆ: 
2019-04-20

58 جار خوێندراوەتەوە

بەرپرسێ راگەهاندن و پەیوەندیێن رێڤەبەراتیا پۆلیسێن سلێمانیێ  رەخنە ژ کارێ دادگەهان گرت و راگەهاند، تومەتبار هەبوویە کو وەلاتیەک بریندار کریە و د رۆژەکێ دا دادگەهێ ئازادکریە.

سەرکەوت ئەحمەد د دەما بەشداریکرنا بەرنامەیێ تاوتوێ یا ئێن ئار تى دا دازانین، ب بەلگە ل جەم هەیە کو تومەتبار هەیە ١٠ جار هاتیە دەستەسەرکرن و پشترە هاتیە ئازادکرن، یان ژى تومەتبارەک رەڤیایە و پشتى سالەکێ دەستەسەرکریە، لێ ب بریارا دادوەرى  د وێ شەڤا کو هاتیە دەستەسەرکرن دا، هاتیە ئازادکرن، ئەڤ یەک ژى ل سەر خواستا دادوەرى دبە.

دەربارەى هاککرنا پەیجێ رێڤەبەراتیا پۆلیسێن سلێمانیێ سەرکەوت ئەحمەد زەلال کر، یەک ژ وان سەدەمێن هاککرنا پەیجێ رێڤەبەراتیێ دەستەسەرکرنا چەند هاککەران بوویە کو دانپێدانێن وان هاتبوونە بەلاڤکرن و دبە کو ئەو کەسێ پەیج هاککرى یەک بە کو نێزیک بە ژ وان هاککەرێن هاتنە دەستەسەرکرن.

هەورەسا گوت ، د نها دا چەکەکێ زێدە ل جەم وەلاتیایە و د دەما سالا ٢٠١٨ێ دا ٣٤٣ دۆسیەیێن چەکى هەبوونە کو د سالەکێ دا وەسا دهێتە دانان هەمى رۆژەکێ پارچەکا چەکى دەست ب سەردا هاتیە گرتن.

م.س