سەرنووچە:

ڤیدیۆ.. سەرۆکێ وەلاتێ لیبریایێ ژ ترسا دوو ماران ناچیتە د کۆچکا خوە دا

فۆتۆ: 
2019-04-20

934 جار خوێندراوەتەوە

ب سەدەما پەیدابوونا دوو مارێن رەش د کۆچکا وى دا، دوو رۆژن سەرۆکێ لیبریایێ نەچوویە د ناڤا کۆچکا خوە دا.

عسمەت تۆبى شێوەرمەندێ راگەهاندنا سەرۆک کۆمارێ لیبریایێ بۆ بى بى سی یا بەریتانى راگەهاند، د رۆژا چارشەمبێ دا ١٦٧ێ نیسانا ٢٠١٩ێ دوو مارێن رەش د کۆچکا وەزارەتا دەرڤە یا وى وەلاتى دا پەیدابوونە.

هەروەسا راگەاند، د وێ رۆژێ دا هەیا نها جۆرج ویا سەرۆک کۆمارێ لیبریایێ بۆ کۆچکا وەزارەتا دەرڤە نەچوویە.

کۆچکا وەزارەتا دەرڤە یا لیبریایێ پشتى شەوتینا کۆچکا سەرۆک کۆمارێ لیبریایێ جهێ گۆتوبێژ و دارشتنێن سەرۆکى بوویە.

هەروەسا دا دیار کرن، ب سەدەما کۆنبوونا ئاڤاهیا وەزارەتا دەرڤە، سالانە هەژمارەکا زێدە یا گیانەوەرێن خشۆک بۆ ناڤا کۆچکێ دهێن و جهێ مەترسیێ نە بۆ وان کەسێن د ناڤا کۆچکێ دانە.

هەروەسا گوت، رۆژا دوو شەمبیێ سەرۆک ب پشتراستی ڤە بۆ جێبەجێکرنا کارێن خوە دێ چیتە د ناڤا کۆچکێ دا.

جۆرج ویا د سالا ١٩٦٦ێ دا ژ دایک بوویە، بەریا نها یاریکەرێ تەپا پێ بوویە و ل یانەیا ئەیسى میلانێ یارى کریە، د سالا ١٩٩٥ێ دا بوویە باشترین یاریکەرێ جیهانێ و د سالا ٢٠١٧ێ دا بوویە سەرۆکاتیا وەلاتێ لیبریایێ .

م.س