سەرنووچە:

کەسەک ب تومەتا دەستدرێژیا سێکسى بۆ سەر ژنەکا بیانى هاتە دەستەسەرکرن

فۆتۆ: 
2019-04-20

326 جار خوێندراوەتەوە

ئاسایشا هەولێرێ ئاشکرا کر، شوفێرەکێ تەکسیێ ب تومەتا دەستدێژیا سێکسى بۆ سەر ژنەکا بیانى دەستەسر کریە کو، بەریا نها ژى ل سەر تاوانا هەڤئاوایى هاتبوو دەستەسەرکرن.

ل گورى راگەهاندنا ئاسایشا هەولێرێ ، ئەو ژن ل شەڤا ١ێ نیسانا ٢٠١٩ێ دەستێ خوە بۆ شوفێرى بلند کریە، ژ بۆ کو بەرەڤ عەنکاوەیێ بچیت، لێ ل گورى دانپێدانا تاوانبارى، ئەو ژن بۆ سنورێ قەزایا بنەسلاوایێ بریە و ب کێرێ هێرش کریە سەر و هەرەشەیا کوشتنێ لێ کریە، پشترە د بن گڤاشان دا دەستدرێژیا سێکسى ل سەر کریە و پشترە ل چوولى ب تەنێ بجهـ دهێلیت.

هەورەسا ئاسایشا هەولێرێ راگەهاند، تومەتبارى پیشەیا دەستدرێژیکرنێ ل سەر ژنان هەیە و د سالا ٢٠١٧ێ دا ب هەمان ئاوایى دەستدرێژى ل سەر ژنەکا ب رەگەز عەرەب کریە و ب وێ سەدەمێ سزایێ وى یێ یاسایى زیندانکرن بوویە و پشترە هاتیە ئازادکرن.

بەحس ژ وێ یەکێ کر، پشتى ڤەکۆلینێ تومەتبار هاتیە دەستەسەرکرن و بۆ دادگەهێ هاتیە رادەستکرن .

م.س