سەرنووچە:

وەزارەتا دارایی خشتەیا مووچەیێ تەڤاهیا وەزارەتان بەلاڤکر

مووچەیێ مەها یەک یا ٢٠١٩ێ
فۆتۆ: ئەرشیڤ
2019-04-20

3671 جار خوێندراوەتەوە

دیجیتال میدیایا ئێن ئاڕ تی، هەولێر، هێرش قادر

وەزارەتا دارایی ڕاگەهاند، د سێ ڕۆژێن داهاتی دا دێ مووچەیێ مەها یەک یێ تەڤاهیا  وەزارەت، دەستە و دەزگەهان هێتە پارڤەکرن.

چاڤکانیەکێ ژ وەزارەتا دارایی بۆ دیجیتال میدیایا ئێن ئاڕ تی ڕاگەهاند، سوبەهی یەکشەمبێ دێ هەریەک ژ؛  وەزارەتا باژێرڤانی،  کارەبا،  ڤەگوهاستن و گەهاندن، پلاندانان، چاندن، دیوانا چاڤدێریا دارایی، دەستەیێن مافێ مرۆڤان، وەبەرئینان، دەسپاکی، ژینگەهـ، دەزگەهێ مین و دەڤەرێن کوردستانی و کۆمسیۆنێ مووچەی وەرگرن.

چاڤکانی دیارکریە ژی، ڕۆژا دووشەمبیێ دێ مووچەیێ هەری یەک ژ؛ وەزارەتا بازرگانی و پیشەسازی ، وەزارەتا ڕۆشنبیری و لاوان، سەرۆکاتیا هەرێم، سەرۆکاتیا پارلەمان ، جڤاتا وەزیران  و خانەنشینیا پێشمەرگە هێتە پارڤەکرن.

 ڕۆژا سێ شەمبیێ ژی خانەنشینیا شارستنی مووچەی وەردگرن.

 ئەڤ مووچەیێ دهێتە پارڤەکرن مووچەیێ مەها ١ یا ٢٠١٩ێ یە و دوویەم مووچەیە بێ پاشەکەفت دهێتە پارڤەکرن، لێ هەیا نها ناهێتە زانین چاوانیا پارڤەکرنا مووچەیێ مەهێن دی دێ چاوا بیت.

 ڕۆژا ٨ێ ئادارا ٢٠١٩ێ حکومەتا هەرێمێ داویهاتنا سیستەما پاشەکەفتێ مووچەی ڕاگەهاند و مووچەیێ مەها ١٢ یا سالا دەربازبوویی ژی بێ پاشەکەفت هات پارڤەکرن.

س.م