سەرنووچە:

دەربارێ زێدەبوونا هەژمارا حەجیێن عێراقێ، دەستەیا حەجێ بەیاننامەیەک بەلاڤ کر

لیژنەیەکا بلند سەردانا سعودیێ دکە
فۆتۆ: 
2019-04-20

215 جار خوێندراوەتەوە

خالید عەتیە سەرۆکێ دەستەیا حەج و عەمرەیا عێراقێ راگەهاند، لیژنەیەکا بلند هاتیە پێکئینان و کارێ وێ ژی دابینکرنا خزمەتگوزاریێن پێدڤیە بۆ زێدەبوونا هەژمارا حەجیێن کو بۆ پشکا عێراقێ ژ ئالیێ سعودیێ ڤە هاتنە زێدەکرن.

خالید عەتیە د داخویانیەکا رۆژنامەڤانی دا راگەهاند، چەند رۆژێن داهاتی لیژنەیا بلند سەردانا سعودیێ دکە و د گەل بەرپرسێن سعودیێ گۆتوبێژان دەربارێ گرێبەستێن سەفەر، ڤەگوهاستن، خوارن و تەڤاهیا کاروبارێن لۆجستیێن دن بۆ پێکئینانا فەریزەیا حەجا ئەڤسالە دکە.

سەرۆکێ دەستەیا حەجا عێراقێ هێڤی خواست زێدەکرنا هەژمارا پشکا عێراق و چەند وەلاتێن دن باندۆریێ ل سەر بلندبوونا تێچوویا فەریزەیا حەجێ نەکە.

پەیڤدارەکی ب ناڤێ مەسعود ئەحمەد لعێبى سەرکردە د هێزێن حەشدا شەعبى دا د بەیاننامەیەکێ دا راگەهاندبوو، د دەما سەردانا عادل عەبدولمەهدى سەرۆک وەزیرێ عێراقێ بۆ سعودیێ، هەژمارەک ژ بەرپرسێن دەستەیا کاروبارێن حەج و عومرەیا عێراقێ بەشداربوون و کارینە هەژمارا حەجیێن عێراقێ بۆ ئیسال بۆ ٥٠ هزار حەجیان زێدە بکەن.

هـ.ج