سەرنووچە:

حکومەتا عێراقێ چەکدارێن کو د شەرێ داعشێ دا هەڤکاریا وێ کربوون، ژبیرکرنە

فۆتۆ: 
2019-04-19

223 جار خوێندراوەتەوە

ڕۆبەرت فیسک د رۆژنامەیا (The I) یا بەریتانى دا نڤیسیە، چەکدارێن کو مل ب ملێ هێزێن عێراقیان ل دژى رێکخراوا داعشێ شەر کرنە، نها ژ ئالیێ حکومەتا وى وەلاتى ڤە هاتنە پشتگوهخستن.

ڕۆبەرت فیسک د گوتارا خوە دا دایەزانین، د گەل ئەندامێن گرۆپێن چەکدارێن شیعییە دا ئاخڤیە، کو ئالیکاریا هێزێن عیراقیان کرنە، ئاماژە ب وێ یەکێ کریە" حکومەتا وەلاتێ مە چاڤدێریا ساخلەمی و چ خەلاتەک ب مە نەدایە، ژبلى کو پارچە زەڤى ب خێزانێن شەهیدان دانە، ئەو پارچە زەڤى ژى ل جهێن دوورە و ژ ژێدەرێن ئاڤا ڤەخوارنێ دوورە، ب ئاوایەکێ چ تشتەک تێدا شین نابە".

عەباس سەعدى بابێ  یەک ژ ئەندامێن  وێ گرۆپا چەکدارى راگەهاند، گازندنا ژ خوە ناکەت ل سەر "شەهیدبوونا" کورێ خوە " لێ قەرەبووکرنا وى ژ حکومەتێ بۆ وى چ نینە، پێتڤى بوو پارچەیەکا زەڤیێ پێ هاتبوو دان، لێ ئەو زەڤیا کو وەرگرتى، د ناڤا بیابانێ دایە و ژبلى ئاخێ چ تشتەکێ دن لێ نینە.

سەعدى دبێژیت" ئیرانیێن د شەرێ عێراق و ئیرانێ دا د سالێن هەشتێیان دا هاتنە کوشتن، گرنگیا زێدە پێ دهێتە دان، لێ دەما ئەو دچنە نڤیسینگەهێن حکومەتێ و بەلگەنامەیێن وان کەسوکاران پێشکێش دکن کو د وى شەری دا هاتنە کوشتن، ب وان دهێتە گوتن بخنە د پاخلا خوە دا".

ڕۆبەرت فیسک نڤیسیە پەیاما وان کەسان ئاشکرایە، ژبەر کو ئەگەر عێراق بخوازە رووبرووى وێ رەوشێ ببە، د فێت رێزێ ژ وان کەسێن کو قوربانى دانە ژ سوننە و شیعەیان بێ جووداهى  بگریت، لێ دیارە سیاسەت زێدە بهێزترە ژ بیرهاتن و هەیا نها عێراق ئامادەنینە ببیتە مالەک بۆ هەمى پالەوانان.

د دەما هاتنا چەکدارێن داعشێ دا و کۆنترۆلکرنا چەند پارێزگەهێن عێراقێ و ژ پایتەختا بەغدایێ  نێزیک ببوون ، عەلى سیستانى مەرجەعێ بلند یێ شیعەیان فەتوایا فەرزا کیفایەیێ بۆ شیعە و هێزێن حەشدا شەعبى دەر کربوو، کو د دەما سێ سالێن شەرێ داعشێ دا باندۆریا بەرچاڤ ژ ناڤبرن و رووبرووبوونا وێ رێکخراوێ د شەرێ کۆنترۆلکرنا پارێزگەهێن داگیرکری دا هەبوو.

م.س