سەرنووچە:

رۆژنامەڤانێن بێسنور: عێراق د پلەیا ١٥٦ مین یا ئازادیا رۆژنامەگەریێ دایە

فۆتۆ: 
2019-04-18

176 جار خوێندراوەتەوە

سازیا رۆژنامەڤانێن بێسنور رەوشا ئازادیا رۆژنامەگەریێ ل سەر ئاستا جیهانێ بۆ سالا ٢٠١٩ێ دیار کر و دازانین، عێراق ژ کۆما ١٨٠ وەلاتان د پلەیا ١٥٦ مین دایە.

ل گۆری رێزبەندیا سالا دەرباسبوویی، رەوشا ئازادیا رۆژنامەگەریێ ل عێراقێ، چار پلەیان پێشکەتیە. د دەمەکی دا کو د سالا ٢٠١٩ێ دا عێراق د پلەیا ١٦٠ مین یا ئازادیا رۆژنامەگەریێ دا بوو.

هەروەسا دازانین، ژ دەستپێکا ئیساڵ و هەیا نها چ رۆژنامەڤانەک ل عێراقێ نەهاتیە کوشتن، لێ هەڤکارەکێ رۆژنامەڤانەکی هاتیە کوشتن.

دەربارێ رەوشا رۆژنامەگەریێ ل جیهانێ ژی سازیا رۆژنامەڤانێن بێسنور دیار کر، پرانیا رۆژنامەڤانان د رەوشەکا مەترسیدار دا کار دکن و هەرتم ژ ئالیێ حکومەتێن جوودا دا تێن سنوردارکرن و سەرکردەیێن سیاسی ژی وان بیدەنگ دکن.

سازییێ ئاشکرا کر کو ئەڤساڵە ل جیهانێ ٦ رۆژنامەڤان، وەلاتیەک کو رۆلا رۆژنامەڤانان دیتیە و هەڤکارەکێ میدیایی هاتنە کوشتن.

هەروەسا هاتیە دیارکرن، د نها دا ١٧٠ رۆژنامەڤان، ١٥٠ وەلاتیان کو کارێ رۆژنامەڤانی کرنە و ١٦ هەڤکارێن میدیایی د زیندانان دا نە.

هـ.ج