سەرنووچە:

د ئاهەنگا دەرچوونا قوتابیێن زانینگەهەکا عێراقێ دا سرۆدا رەژیما بەعس هاتە گوتن

فۆتۆ: 
2019-04-17

993 جار خوێندراوەتەوە

د ئاهەنگا دەچوونا قوتابیان دا ل زانینگەها پارێزگەها زیقارێ ل باشورێ عێراقێ، سرۆدا نیشتیمانیا سەردەما رەژیما بەعس هاتیە گوتن و وێ کریارێ ژى کارڤەدان و دەستەسەرکرن ل دیف خوەدا ئینان.

بەلاڤبوونا ڤیدیۆیێ ل عێراقێ د تورێن جڤاکى دا کارڤەدانێن جوودا ل دیف خوەدا ئینان و نەرازیبوونا دژوار دەربریە، دەستهەلاتدارێن ئەولەهیێ ژى رێکخەرێن ئاهەنگێ دەستەسەرکرن کو، ئاهەنگ بۆ قوتابیێن دەرچوویێن کۆلێژا ئادابێ یا زانینگەها زیقارێ هاتبوو رێکخستن.

بەلاڤبوونا وێ گرتەیا ڤیدیۆیێ سەرۆکێ زانینگەها زیقارێ نەچار کریە، د بەیاننامەیەکێ دا بێ بەریئیا خوە ژ بەلاڤکرنێ رابگەهینیت و ئەو کار خستە ستویێ خوەدانێ وێ نڤیسینگەها کو ئاهەنگ رێکخستى، کو د نها دا هاتیە دەستەسەرکرن و ڤەکۆلین د گەل دا دهیتە کرن.

ریاز جەنتەر سەرۆکێ زانینگەها زیقارێ رەت کر ئاگەهدارى بابەتى بیت و زانینگەهـ ئاگەهدارى رێخستنا وێ ئاهەنگێ نەبوویە.

م.س