سەرنووچە:

پارلەمانێ عێراقێ یاریا پەبجیێ قەدەغەکر

دگەل هەژمارەکا یاریێن دی
فۆتۆ: 
2019-04-17

520 جار خوێندراوەتەوە

دیجیتال میدیایا ئێن ئاڕ تی ، بەغدا، ئومێد محەمەد

 پارلەمانێ عێراقێ بڕیارا قەدەغەکرنا یاریا پەبجی و هەژمارەکا یاریێن ئەلکترۆنیێن دی دا کو دبنە سەدەما بەلاڤبوونا  توندوتیژیێ.

 پارلەمانێ عێراقێ د نڤیسارەکا فەرمی دا ڕاگەهاند، ژبەر کو بەشەک ژ یاریێن ئەلکترۆنی دبنە مەترسی بۆ سەر ساخلەمی، ڕۆشەنبیری و ئاسایشا جڤاکی ب تەڤاهیا دەنگێن پارلەمانتارێن بەرهەڤبوو بڕیارا قەدەغەکرنێ هاتیە پەسەند کرن.

 ژبلی یاریا پەبجیێ یاریێن فۆرت نایت و نەهەنگێ شین و یاریێن دی ژی یێن کو توندیتیژیێ بەلاڤدکەن قەدەغە کرن.

 پارلەمانێ داخواز ژ حکومەتا عێراق و وەزارەتا پەیوەندیان و دەستەیا ڕاگەهاندنێ کر تەڤاهیا ڕێکاران بۆ قەدەغەکرنا وان یاریان بگرنە بەر.

 د دەمێن دەربازبوویی دا هەژمارەک ژ هێزێن شیعەیان داخوازەک بۆ پارلەمانێ عێراقێ بلند کر ب مەرەما قەدەغەکرنا یاریا ئەلکترۆنی یا "پەبجی".

 ئەڤە دەمەکێ دایە، ژبەر دووبارەکرنا کارێن ناڤ وان یاریان دا ژ ئالیێ گەنجان و سنێلەیان ڤە چەندین توندوتیژیێن جودا لێ پەیدابوون.

 س.م